ഹോട്ടലിന്റെ 3-ാം നിലയില്‍നിന്ന് സിമന്റ്പാളി വീണ് യുവാവ് മരിച്ചു

കോട്ടയം നഗരമധ്യത്തില്‍ ഹോട്ടല്‍ രാജധാനിയുടെ മൂന്നാം നിലയിലെ ജനലിന്റെ മുകള്‍ഭാഗത്തെ സിമന്റ്പാളി അടര്‍ന്നുവീണു യുവാവ് മരിച്ചു. താഴത്തെ നിലയില്‍ പ്രവര്‍ത്തിക്കുന്ന മീനാക്ഷി ലക്കി സെന്ററിലെ ജീവനക്കാരന്‍ പായിപ്പാട് പള്ളിക്കച്ചിറ കവല കല്ലൂപ്പറമ്പില്‍ ജിനോ കെ.ഏബ്രഹാം (42) ആണു മരിച്ചത്.

ഇന്നലെ രാത്രി എട്ടരയോടെയാണു സംഭവം. ലക്കി സെന്റര്‍ അടച്ചശേഷം പുറത്തേക്കിറങ്ങുന്നതിനിടെയാണ് അപകടം. എംസി റോഡില്‍ നഗരസഭാ ഓഫിസിന് എതിര്‍വശത്തെ നഗരസഭാ ഷോപ്പിങ് കോംപ്ലക്‌സില്‍ പ്രവര്‍ത്തിക്കുന്ന ഹോട്ടലിന്റെ ജനലിന്റെ ഭാഗമാണ് അടര്‍ന്നുവീണത്.

അടര്‍ന്നുവീണ ഭാഗം ലക്കി സെന്ററിന്റെ ബോര്‍ഡില്‍ ഇടിച്ചശേഷം ജിനോയുടെ ദേഹത്തു പതിക്കുകയായിരുന്നു. 28 അടിയോളം മുകളില്‍ നിന്നാണു കോണ്‍ക്രീറ്റ് ഭാഗം അടര്‍ന്നുവീണത്. ജിനോയെ കോട്ടയം ജനറല്‍ ആശുപത്രിയില്‍ എത്തിച്ചെങ്കിലും രക്ഷിക്കാനായില്ല.

50 വര്‍ഷത്തിലേറെ പഴക്കമുള്ളതാണു ഷോപ്പിങ് കോംപ്ലക്‌സ്. ഇതിനൊപ്പമുള്ള ഷോപ്പിങ് കോംപ്ലക്‌സിന്റെ മറ്റു കെട്ടിടങ്ങള്‍ ഹൈക്കോടതി ഇടപെടലിനെ തുടര്‍ന്നു പൊളിക്കാനുള്ള നടപടി നഗരസഭ സ്വീകരിച്ചുവരികയാണ്.

അപകടമുണ്ടാക്കിയ ഷോപ്പിങ് കോംപ്ലക്‌സ് ഭാഗം ഹോട്ടല്‍ ഉടമതന്നെ ബലപ്പെടുത്തിയെന്നു കാണിച്ചാണു പൊളിക്കുന്നതില്‍ നിന്ന് ഒഴിവാക്കിയത്. ജിനോയുടെ പിതാവ്: പരേതനായ കെ.ജെ.ഏബ്രഹാം, അമ്മ: ഫിലോമിന. ഭാര്യ: ഷീജ. മക്കള്‍: അഡോണ്‍, അക്‌സ.

spot_img

Related news

കനത്ത മഴയിൽ വീട് തകർന്നു വീണ് അമ്മയും മകനും മരിച്ചു

പാലക്കാട്: വടക്കഞ്ചേരിയിൽ കനത്ത മഴയിൽ വീട് തകർന്നു വീണ് അമ്മയും മകനും...

‘ലോകഭൂപടത്തില്‍ ഇന്ത്യ സ്ഥാനം പിടിച്ചു’; വിഴിഞ്ഞത്ത് ട്രയൽ റൺ ഉദ്ഘാടനം ചെയ്ത് മുഖ്യമന്ത്രി

തിരുവനന്തപുരം: വിഴിഞ്ഞം തുറമുഖത്തിന്റെ ട്രയല്‍ റണ്‍ ഉദ്ഘാടനം കേന്ദ്രമന്ത്രി സര്‍ബാനന്ദ സോനോവാളിന്റെ...

സ്വര്‍ണവില വീണ്ടും ഉയരുന്നു

സംസ്ഥാനത്ത് സ്വര്‍ണ വില വീണ്ടും ഉയര്‍ന്നു. പവന് 520 രൂപ ഉയര്‍ന്ന്...

തന്റെ എം പി സ്ഥാനം മലബാറിലെ കമ്മ്യൂണിസ്റ്റ് പാര്‍ട്ടി പ്രവര്‍ത്തകര്‍ക്ക് കിട്ടിയ അംഗീകാരമെന്ന് പി പി സുനീര്‍

ദില്ലി: തന്റെ എം പി സ്ഥാനം മലബാറിലെ കമ്മ്യൂണിസ്റ്റ് പാര്‍ട്ടി പ്രവര്‍ത്തകര്‍ക്ക്...

യാത്രയ്ക്കിടെ ബാഗ് മോഷണം പോയി; റെയില്‍വേ യുവതിക്ക് ഒരുലക്ഷം നഷ്ടപരിഹാരം നല്‍കണം

ട്രെയിന്‍ യാത്രയ്ക്കിടെ ലഗേജ് മോഷണം പോയ സ്ത്രീക്ക് നഷ്ടപരിഹാരമായി ഒരു ലക്ഷം...