കൊതുകുകള് തന്നെ കൊതുകുകളെ ഇല്ലാതാക്കും എന്ന് പറഞ്ഞാല് വിശ്വസിക്കുമോ? എന്നാല് അത്തമൊരു വാര്ത്തയാണ് ബിസിനസ് ടൈക്കൂണ് ബില് ഗേറ്റ്സ് പുറത്തുവിട്ടിരക്കുന്നത്.
മഴക്കാലത്ത് ഡെങ്കിപ്പനി, ചിക്കുന്ഗുനിയ, മലമ്പനി തുടങ്ങിയ ജലജന്യരോഗങ്ങള് പരത്തുന്നവരാണ് കൊതുകുകള്. എന്നാല് ബ്രിട്ടീഷ് സൂപ്പര് കൊതുകുകള്ക്ക് മലേറിയയെ തുടച്ചുനീക്കാന് കഴിയുമെന്നാണ് അടുത്തിടെ ബില് ഗേറ്റ്സ് പറഞ്ഞത്. ഓരോ വര്ഷവും 6,00,000 ആളുകളെ കൊല്ലുന്ന അസുഖം പരത്തുന്ന രോഗബാധിതരായ എതിരാളികളോട് പോരാടാന് കഴിവുള്ള സൂപ്പര് കൊതുകുകളെ കമ്പനി സൃഷ്ടിച്ചിട്ടുണ്ടെന്ന് ബില് ഗേറ്റ്സ് പറയുന്നു. ഈ കിറ്റുകള് വീട്ടുടമകള്ക്ക് അവരുടെ വീട്ടുമുറ്റത്ത് സൂക്ഷിക്കാം.
ഡെയ്ലി സ്റ്റാര് പറയുന്നതനുസരിച്ച്, നിര്മ്മിത കൊതുകുകളെല്ലാം പുരുഷന്മാരാണ്, കൂടാതെ ഇവ പെണ് സന്തതികള് പ്രായപൂര്ത്തിയാകുന്നത് തടയാന് ഒരു പ്രത്യേക ജീന് വഹിക്കുന്നുമുണ്ട്. പെണ്കൊതുകുകളുടെ കടിയാണ് മലേറിയ പരത്തുന്നത് എന്നത് എല്ലാവര്ക്കും അറിയാവുന്ന കാര്യമാണ്. ജനിതകമാറ്റം വരുത്തിയ പുരുഷ കൊതുകുകള് പെണ്കൊതുകുകളുമായി ഇണചേരുകയാണെങ്കില്, എല്ലാ പെണ് സന്താനങ്ങളെയും നശിപ്പിക്കുമെന്നാണ് റിപ്പോര്ട്ടുകള് പറയുന്നത്.
സൂപ്പര് കൊതുകുകള് പരിസ്ഥിതിക്കും മനുഷ്യര്ക്കും ഒരു അപകടവും ഉണ്ടാക്കുന്നില്ലെന്ന് പരിശോധനയില് തെളിഞ്ഞതായി മീഡിയ പോര്ട്ടലിന്റെ റിപ്പോര്ട്ട് സൂചിപ്പിക്കുന്നു. ഒരു ബില്ല്യണിലധികം സൂപ്പര് കൊതുകുകളെ ഇതുവരെ ലോകമെമ്പാടും നെഗറ്റീവ് ഇംപാക്ടുകളൊന്നുമില്ലാതെ പുറത്തു വട്ടിട്ടുണ്ടെന്ന് ബില് ഗേറ്റ്സ് തന്റെ ഓണ്ലൈന് ബ്ലോഗില് പറയുന്നു. കൊതുകുകളെ നിയന്ത്രിക്കാനും ഒരു പരിഹാരം നിര്മ്മിച്ചിട്ടുണ്ടെന്നും അദ്ദേഹം സൂചിപ്പിച്ചു.
