വിവാഹമോചിതയാണെന്നു ധരിപ്പിച്ച് പ്രവാസിയെ കബളിപ്പിച്ചു; യുവതി തട്ടിയത് 12 ലക്ഷം

പ്രവാസിയെ വിവാഹ വാഗ്ദാനം നല്‍കി കബളിപ്പിച്ചു യുവതിയും കുടുംബവും 12 ലക്ഷം രൂപ തട്ടിയെടുത്തതായി പരാതി. കൂടുതല്‍ പണം ആവശ്യപ്പെട്ടെന്നും വധഭീഷണി മുഴക്കിയെന്നും കാണിച്ചു പരവൂര്‍ തെക്കുംഭാഗം സ്വദേശിയാണു കമ്മിഷണര്‍ക്കു പരാതി നല്‍കിയത്. കണ്ണൂര്‍ ചിറയ്ക്കല്‍ സ്വദേശിയായ യുവതി അവരുടെ സഹോദരിയുടെയും മാതാപിതാക്കളുടെയും സഹായത്തോടെ ലക്ഷങ്ങള്‍ തട്ടിയെന്ന പരാതിയില്‍ കേസെടുക്കാന്‍ പൊലീസ് മടിക്കുകയാണെന്നും പ്രവാസി ആരോപിക്കുന്നു.

യുവതിയുടെ ബന്ധു ഇദ്ദേഹത്തിനൊപ്പം വിദേശത്തു ജോലി ചെയ്തിരുന്നു. തുടര്‍ന്നു സമൂഹമാധ്യമത്തിലൂടെ സൗഹൃദത്തിലായ യുവതി വിവാഹമോചിതയാണെന്നു ധരിപ്പിച്ചു. വിവാഹം കഴിക്കാന്‍ താല്‍പര്യം ഉണ്ടെന്നു കഴിഞ്ഞ വര്‍ഷം ജൂണില്‍ അറിയിക്കുകയും ചെയ്തു. ആദ്യവിവാഹം പരാജയപ്പെട്ടെന്നും യുവതിയെ ജീവിതത്തിലേക്കു മടക്കിക്കൊണ്ടുവരാന്‍ സഹായിക്കണമെന്നും മാതാപിതാക്കളും ആവശ്യപ്പെട്ടു.

പല ആവശ്യങ്ങള്‍ പറഞ്ഞു പ്രവാസിയില്‍ നിന്നു പണവും ഈടാക്കി. ഒരു തവണ യുവതിയുടെ ബന്ധുക്കള്‍ പരവൂരിലെ വീട്ടില്‍ എത്തിയും പണം വാങ്ങിയതായി പറയുന്നു. പിന്നീടു യുവതി വിവാഹമോചിതയല്ലെന്നറിഞ്ഞു ചോദ്യംചെയ്ത പ്രവാസിയെ ക്വട്ടേഷന്‍ നല്‍കി കൊല്ലുമെന്നു ഭീഷണിപ്പെടുത്തി. മാനസികമായ തകര്‍ന്ന പ്രവാസിക്കു ചികിത്സ തേടേണ്ടി വന്നതായും പരാതിയില്‍ പറയുന്നു.

spot_img

Related news

പൊന്നാനി ലോക്സഭാ തെരഞ്ഞെടുപ്പിൽ മുന്‍ ലീഗ് നേതാവ് കെ എസ് ഹംസ ഇടത് സ്വതന്ത്രന്‍

പൊന്നാനി ലോക്സഭാ തെരഞ്ഞെടുപ്പിൽ എൽ ഡി എഫ് സ്വതന്ത്ര സ്ഥാനാർഥിയായിമുസ്ലിം ലീഗ്...

വീട്ടിലിരുന്ന് പണം സമ്പാദിക്കാം, വ്യാജ ജോലി വാഗ്ദാനങ്ങളില്‍ വീഴരുത്; വീണ്ടും മുന്നറിയിപ്പുമായി കേരള പൊലീസ്

വീട്ടിലിരുന്ന് കൂടുതല്‍ പണം സമ്പാദിക്കാം എന്ന് പറഞ്ഞുള്ള വ്യാജ ജോലി വാഗ്ദാനങ്ങളില്‍...

ആറ്റുകാല്‍ പൊങ്കാല: ഞായറാഴ്ച മൂന്ന് സ്‌പെഷ്യല്‍ ട്രെയിന്‍

ആറ്റുകാല്‍ പൊങ്കാലയോടനുബന്ധിച്ച് 25ന് മൂന്ന് സ്‌പെഷ്യല്‍ ട്രെയിന്‍ അനുവദിച്ചതായി റെയില്‍വേ.എറണാകുളം തിരുവനന്തപുരം...

സ്വര്‍ണവില കുറഞ്ഞു; 46,000ല്‍ താഴെ

സംസ്ഥാനത്ത് സ്വര്‍ണവില കുറഞ്ഞു. 80 രൂപ കുറഞ്ഞ് ഒരു പവന്‍ സ്വര്‍ണത്തിന്റെ...

വയനാട് ജില്ലയില്‍ ചൊവ്വാഴ്ച ഹര്‍ത്താല്‍

മനഃസാക്ഷി മരവിക്കാത്തവര്‍ ഹര്‍ത്താലിനോട് സഹകരിക്കണമെന്നും കര്‍ഷക സംഘടനകള്‍ ഈ മാസം 13 ന്...