തിരുവനന്തപുരം: എസ്.എസ്.എല്.സി പരീക്ഷാ ഫലം ബുധനാഴ്ച മന്ത്രി വി.ശിവന്കുട്ടി പ്രഖ്യാപിക്കും. ഉച്ചയ്ക്ക് മൂന്നിന് സെക്രട്ടേറിയേറ്റിലെ പി.ആര് ചേംബറിലാണ് പ്രഖ്യാപനം. മന്ത്രിയുടെ പ്രഖ്യാപനത്തിന് ശേഷം ഔദ്യോഗിക വെബ്സൈറ്റിലൂടെ ( keralaresults.nic.in) വിദ്യാര്ഥികള്ക്ക് ഫലം ലഭ്യമാകും.
മാര്ച്ച് 31 മുതല് ഏപ്രില് 29 വരെയാണ് എസ്എസ്എല്സി പരീക്ഷ നടന്നത്. രാവിലെ 9:45 മുതല് 12:30 വരെയാണ് പരീക്ഷ നടന്നത്. എല്ലാ സുരക്ഷാ പ്രോട്ടോക്കോളുകളും മാര്ഗ്ഗനിര്ദ്ദേശങ്ങളും പാലിച്ചാണ് എസ്എസ്എല്സി ഓഫ്ലൈനായി നടത്തിയത്. 4,27407 വിദ്യാര്ഥികളാണ് റെഗുലര്, പ്രൈവറ്റ് മേഖലകളിലായി എസ്.എസ്.എല്.സി പരീക്ഷ എഴുതിയത്. 432436 വിദ്യാര്ത്ഥികള് പ്ലസ് ടൂ പരീക്ഷയും 31332 വിദ്യാര്ത്ഥികള് വിഎച്ച്എസ്ഇ പരീക്ഷയും എഴുതിയിരുന്നു.
എസ്.എസ്.എല്.സി പരീക്ഷയില് ഇതുവരെ കാണാത്ത ഏറ്റവും വലിയ വിജയശതമാനമായിരുന്നു (99.47) കഴിഞ്ഞ വര്ഷത്തേത്. വിജയശതമാനം 99 കടക്കുന്നത് കടക്കുന്നതും ആദ്യമായിരുന്നു. കഴിഞ്ഞ തവണത്തെ വിജയശതമാനം ഇത്തവണയും ആവര്ത്തിക്കുമോ എന്നാണ് ഏവരും ഉറ്റ് നോക്കുന്നത്..