30 വീടുകളില്‍ കവര്‍ച്ച; പ്രതി അറസ്റ്റില്‍

ഏഴു മാസത്തിനിടെ 30 വീടുകളില്‍ പട്ടാപ്പകല്‍ പൂട്ട് പൊളിച്ച് കയറി 85 പവന്‍ ആഭരണങ്ങളും 2 ലക്ഷം രൂപയും കവര്‍ച്ച നടത്തി എന്ന കേസില്‍ യുവാവ് അറസ്റ്റില്‍. ചെറുവണ്ണൂര്‍ കോളത്തറ മാണക്കോട് വീട്ടില്‍ ജിത്തുവാണ് പിടിയിലായത്. കാലിക്കറ്റ് സര്‍വകലാശാല ക്യാമ്പസിലും പരിസരങ്ങളിലും മലപ്പുറം കോഴിക്കോട് ജില്ലകളുടെ വിവിധ ഭാഗങ്ങളിലും കവര്‍ച്ച നടത്തി കഴിഞ്ഞ ഡിസംബര്‍ മുതല്‍ നാട്ടുകാര്‍ക്ക് ഭയവും പോലീസിനെ തലവേദനയും സൃഷ്ടിച്ച പ്രതിയാണ് ഒടുവില്‍ നാടകീയമായി പോലീസിന്റെ പിടിയിലായത്.
ചൊവ്വാഴ്ച പാണാമ്പ്രയലെ വീട്ടില്‍ കവര്‍ച്ചാ ശ്രമം നടത്തിയ പ്രതി ബുധനാഴ്ച പാണമ്പ്ര വാക്കയില്‍ മനോജിന്റെ വീട്ടില്‍ നിന്ന് നാലു പവന്‍ ആഭരണവും ഇരുപതിനായിരം രൂപയും കവര്‍ന്നതാണ് കെണി ആയത്. രണ്ടുദിവസം ഒരേ സ്‌കൂട്ടര്‍ സംശാസ്പദമായ നിലയില്‍ സിസിടിവി ക്യാമറയില്‍ പതിഞ്ഞതിനെത്തുടര്‍ന്ന് നടത്തിയ അന്വേഷണമാണ് ജിത്തുവില്‍ എത്തിയത്. സ്‌റ്റേഷന്‍ പരിധിയില്‍ മാത്രം രണ്ടു മാസത്തിനിടെ ഉണ്ടായ 9 കേസുകള്‍ക്ക് ഇതോടെ തുമ്പായി. ഇല്ലത്ത് സ്‌കൂളിന് സമീപം കുഴിക്കാട്ടില്‍ ഹരിദാസന്‍ ( 8 പവന്‍ ), തടത്തില്‍ രാധാകൃഷ്ണന്‍( 5 പവന്‍ ), ചേലേമ്പ്ര കരുണേങ്ങള്‍ ബാലകൃഷ്ണന്‍( 15 പവന്‍ ), എന്നിവരുടെ വീടുകളില്‍ നിന്ന് സ്വര്‍ണ്ണം കവര്‍ന്നതും ജിത്തു ആണെന്ന് പോലീസ് സ്ഥിരീകരിച്ചു.
മോഷ്ടിച്ച സ്വര്‍ണവും കവര്‍ച്ചാമുതലുകള്‍ വിറ്റ വകയിലുള്ള 6 ലക്ഷം രൂപയും പ്രതിയില്‍ നിന്ന് പോലീസ് കണ്ടെടുത്തു. സ്‌കൂട്ടറും പോലീസ് കണ്ടെടുത്തു. പൂട്ടുകള്‍ തകര്‍ക്കാന്‍ വിനിയോഗിക്കുന്ന ചുറ്റിക, ആക്‌സോ ബ്ലേഡ് എന്നിവയും കണ്ടെടുത്തിട്ടുണ്ട്.

spot_img

Related news

മൈനോറിറ്റി ചാരിറ്റബിൾ ട്രസ്റ്റും വളാഞ്ചേരി നടക്കാവിൽ ഹോസ്പിറ്റലും നടത്തുന്ന മെഗാ സർജറി ക്യാമ്പിന്റെ ടോക്കൺ വിതരണം ചെയ്തു

ശൈഖുനാ അത്തിപ്പറ്റ ഉസ്താദിൻറെ പേരിൽ വളാഞ്ചേരിയിൽ പ്രവർത്തിക്കുന്ന മൈനോറിറ്റി ചാരിറ്റബിൾ ട്രസ്റ്റും...

സത്യന്‍ മൊകേരി വയനാട്ടില്‍ എല്‍.ഡി.എഫ് സ്ഥാനാര്‍ഥി

കല്‍പ്പറ്റ: വയനാട് ലോക്‌സഭ ഉപതെരഞ്ഞെടുപ്പില്‍ കോണ്‍ഗ്രസിന്റെ പ്രിയങ്ക ഗാന്ധിയെ നേരിടാന്‍ സത്യന്‍...

കണ്ണൂർ എഡിഎമ്മിന്റെ ആത്മഹത്യ; പിപി ദിവ്യയെ പ്രതിചേർത്തു

കണ്ണൂര്‍: കണ്ണൂര്‍ എഡിഎം നവീന്‍ ബാബുവിന്റെ ആത്മഹത്യയില്‍ കണ്ണൂര്‍ ജില്ലാ പഞ്ചായത്ത്...

സരിൻ‌ ‍ഉന്നയിച്ചതെല്ലാം സിപിഐഎം വാദങ്ങൾ: വിഡി സതീശൻ

ഡോ. പി സരിനെതിരെ പ്രതിപക്ഷ നേതാവ് വിഡി സതീശന്‍. പി സരിന്‍...

‘കോണ്‍ഗ്രസ് അധഃപതനത്തിന് കാരണം സതീശന്‍; 2026ല്‍ പച്ച തൊടാന്‍ പറ്റില്ല’; പി സരിന്‍

പ്രതിപക്ഷ നേതാവ് വിഡി സതീശനെയും രാഹുല്‍ മാങ്കൂട്ടത്തിലിനെയും രൂക്ഷമായി വിമര്‍ശിച്ച് കോണ്‍ഗ്രസ്...