കളിചിരികൾ മാഞ്ഞു; മുറ്റത്ത് കളിക്കുന്നതിനിടെ ജലാശയത്തിൽ വീണ ഒന്നരവയസ്സുകാരൻ മരിച്ചു

ആലപ്പുഴ: മണ്ണഞ്ചേരിയിൽ വീടിന് സമീപത്തെ ജലാശയത്തിൽ വീണ് ഒന്നര വയസ്സുകാരൻ മരിച്ചു. മണ്ണഞ്ചേരി പഞ്ചായത്ത് അഞ്ചാം വാർഡ് മണ്ണഞ്ചേരി കിഴക്കേ മഹല്ല് കേന്ദ്ര ജുമുഅ മസ്ജിദിന് സമീപം ചിറപ്പുറത്ത് അനസിന്റെ മകൻ ഐസാൻ ആണ് മരിച്ചത്. വെള്ളിയാഴ്ച രാത്രിയോടെയായിരുന്നു നാടിനെ നടുക്കിയ ഈ ദാരുണ സംഭവം നടന്നത്.

കളിച്ചുകൊണ്ടിരിക്കുന്നതിനിടെ കുട്ടി അബദ്ധത്തിൽ വെള്ളത്തിൽ വീണതായാണ് പ്രാഥമിക വിവരം. വീട്ടുമുറ്റത്ത് കളിച്ചുകൊണ്ടിരുന്ന കുട്ടിയെ പെട്ടെന്ന് കാണാതായതിനെ തുടർന്ന് നടത്തിയ തിരച്ചിലിലാണ് സമീപത്തെ ജലാശയത്തിൽ കണ്ടെത്തിയത്. ഉടൻ തന്നെ പുറത്തെടുത്ത് ആശുപത്രിയിൽ എത്തിച്ചെങ്കിലും കുഞ്ഞിൻ്റെ ജീവൻ രക്ഷിക്കാനായില്ല. ഒന്നര വയസ്സ് മാത്രം പ്രായമുള്ള ഐസാന്റെ അപ്രതീക്ഷിത വിയോഗം കുടുംബാംഗങ്ങളെയും നാട്ടുകാരെയും വലിയ ദുഃഖത്തിലാഴ്ത്തിയിരിക്കുകയാണ്. മൃതദേഹം പോസ്റ്റ്മോർട്ടം നടപടികൾക്ക് ശേഷം ബന്ധുക്കൾക്ക് വിട്ടുനൽകും. ഐസാന്റെ ഖബറടക്കം ഇന്ന് (ശനിയാഴ്ച) വൈകിട്ട് 7.30-ന് മണ്ണഞ്ചേരി കിഴക്കേ മഹല്ല് ഖബർസ്ഥാനിൽ നടക്കും. സംഭവത്തിൽ മണ്ണഞ്ചേരി പൊലീസ് അസ്വാഭാവിക മരണത്തിന് കേസ് രജിസ്റ്റർ ചെയ്തു. പൊലീസുകാർ സ്ഥലത്തെത്തി വിവരങ്ങൾ ശേഖരിച്ചിട്ടുണ്ട്.

Related news

ചേരാനല്ലൂർ വാഹനാപകടം: 17-കാരന്റെ ജാമ്യത്തിനെതിരെ ഹൈക്കോടതിയിലേക്ക് കുടുംബം; നിയമപോരാട്ടം തുടരും

കൊച്ചി: ചേരാനല്ലൂർ വാഹനാപകടത്തിൽ മരിച്ച ജയബാലകൃഷ്ണന്റെ കുടുംബം നിയമപോരാട്ടം ശക്തമാക്കുന്നു. കേസിൽ...

എം.എ. യൂസഫലിയ്‌ക്കെതിരായ പരാമർശങ്ങൾ പിൻവലിച്ച് ഷാജൻ സ്കറിയ; മാപ്പ് പറഞ്ഞ് വിശദീകരണ വീഡിയോ

കൊച്ചി: ലുലു ഗ്രൂപ്പ് ചെയർമാൻ എം.എ. യൂസഫലിയ്‌ക്കെതിരായ വിവാദ പരാമർശങ്ങൾ പിൻവലിച്ച്...

വെറും വയറ്റിൽ ഏലയ്ക്ക വെള്ളം കുടിച്ചാൽ 6 ആരോഗ്യഗുണങ്ങൾ; അറിയാം

തിരുവനന്തപുരം: അടുക്കളയിൽ സുഗന്ധത്തിനായി ഉപയോഗിക്കുന്ന ഏലയ്ക്കയ്ക്ക് നിരവധി ആരോഗ്യഗുണങ്ങളുണ്ടെന്നാണ് പറയപ്പെടുന്നത്. ദഹനപ്രശ്നങ്ങൾ...

‘സർക്കാരിന് ഒരു തിരിച്ചടിയുമില്ല’; മാസപ്പടി കേസിൽ മാത്യു കുഴൽനാടന് മറുപടിയുമായി രമേശ് ചെന്നിത്തല

തിരുവനന്തപുരം: സിഎംആർഎൽ–എക്സാലോജിക് സാമ്പത്തിക ഇടപാടുമായി ബന്ധപ്പെട്ട കേസിൽ സർക്കാരിന് തിരിച്ചടിയുണ്ടായിട്ടില്ലെന്ന് ആഭ്യന്തരമന്ത്രി...

ആയൂരിൽ നിന്നും കാണാതായ ഓട്ടോ ഡ്രൈവർ സുനിൽകുമാർ മരിച്ച നിലയിൽ

കൊല്ലം: ആയൂരിൽ നിന്നും കാണാതായ ഓട്ടോ ഡ്രൈവറെ മരിച്ച നിലയിൽ കണ്ടെത്തി....