കൊച്ചി: ഗായികയും അവതാരകയുമായ റിമി ടോമി വീണ്ടും വിവാഹിതയായി. ബോഡി ബിൽഡറും ട്രെയിനറുമായ മുംബൈ മലയാളി ലിബിൻ മാത്യുവാണ് റിമിയുടെ ജീവിതപങ്കാളി. മുംബൈയിലെ ഡോംബിവല്ലിയിൽ വെച്ചായിരുന്നു വിവാഹച്ചടങ്ങുകൾ നടന്നത്.
വെള്ള നിറത്തിലുള്ള ഗൗൺ ധരിച്ച് പള്ളിയിലേക്ക് നടന്നുവരുന്ന റിമിയുടെ ദൃശ്യങ്ങൾ ഇതിനോടകം സോഷ്യൽ മീഡിയയിൽ വൈറലായിട്ടുണ്ട്. ഇരുവർക്കും ആശംസകളുമായി നിരവധി ആരാധകരാണ് രംഗത്തെത്തിയിരിക്കുന്നത്.
അടുത്തിടെയാണ് വീണ്ടും വിവാഹിതയാകാൻ പോകുന്ന വിവരം റിമി സ്വന്തം യൂട്യൂബ് ചാനലിലൂടെ പങ്കുവെച്ചത്. സിനിമാ മേഖലയിലെ സുഹൃത്തുക്കളെയോ മറ്റ് പ്രമുഖരെയോ ക്ഷണിക്കാതെ കുടുംബാംഗങ്ങൾ മാത്രം പങ്കെടുക്കുന്ന സ്വകാര്യ ചടങ്ങായിരിക്കും വിവാഹമെന്നും റിമി നേരത്തെ വ്യക്തമാക്കിയിരുന്നു.
വിവാഹവാർത്ത പുറത്തുവന്നതോടെ റിമിക്കും ലിബിനും ആശംസകൾ അറിയിച്ച് ആരാധകരും രംഗത്തെത്തി.
