സൂര്യയെ നായകനാക്കി ജിത്തു മാധവൻ സംവിധാനം ചെയ്ത തമിഴ് ചിത്രം ‘സീൻ’ തിയേറ്ററുകളിൽ മികച്ച പ്രതികരണവുമായി മുന്നേറുന്നു. സൂര്യ, നസ്രിയ, നെസ്‌ലിൻ എന്നിവരുടെ പ്രകടനമാണ് ചിത്രത്തിന്റെ പ്രധാന പോസിറ്റീവായി പ്രേക്ഷകർ ചൂണ്ടിക്കാട്ടുന്നത്.
ബോക്സ് ഓഫീസിലും ചിത്രം മികച്ച മുന്നേറ്റം തുടരുകയാണ്. റിലീസ് ചെയ്ത് അഞ്ച് ദിവസം പിന്നിടുമ്പോൾ ആഗോളതലത്തിൽ 174.40 കോടി രൂപയാണ് ചിത്രം നേടിയതെന്നാണ് റിപ്പോർട്ടുകൾ. മാസ് ആക്ഷൻ, നർമം, ത്രില്ലിംഗ് മുഹൂർത്തങ്ങൾ എന്നിവ കോർത്തിണക്കിയ ചിത്രത്തിന്റെ ട്രെയിലർ തന്നെ വലിയ പ്രതീക്ഷകൾ സൃഷ്ടിച്ചിരുന്നു. ഒരു കംപ്ലീറ്റ് എന്റർടെയ്‌നറായാണ് ചിത്രം പ്രേക്ഷകരിലേക്ക് എത്തിയിരിക്കുന്നത്.
കേരളത്തിൽ ശ്രീ ഗോകുലം ഗോപാലന്റെ ശ്രീ ഗോകുലം മൂവീസാണ് ചിത്രം വിതരണത്തിനെത്തിച്ചിരിക്കുന്നത്. ഴഗരം സ്റ്റുഡിയോസിന്റെയും 2ഡി എന്റർടെയ്ൻമെന്റിന്റെയും ബാനറിൽ ജ്യോതികയും സൂര്യയും ചേർന്നാണ് ചിത്രം നിർമിക്കുന്നത്. ജയശ്രീ ദാമോദരനാണ് സഹനിർമാതാവ്.
