തിരുവനന്തപുരം വര്ക്കലയില് ചക്കയിടാന് കയറുന്നതിനിടെ ഏണിയില് നിന്ന് വീണ് ചികിത്സയിലായിരുന്ന ഗൃഹനാഥന് മരിച്ചു. ഇലകമണ് ചാരുംകുഴി സ്വദേശി സജീവ് (55) ആണ് മരിച്ചത്.
ജൂണ് 14-ന് വീട്ടിലെ പ്ലാവില് ചക്കയിടുന്നതിനിടെയാണ് അപകടം സംഭവിച്ചത്. ഏണിയില് നിന്ന് വീണതിനെ തുടര്ന്ന് ഗുരുതരമായി പരിക്കേറ്റ സജീവ് കൊല്ലത്തെ സ്വകാര്യ ആശുപത്രിയില് ചികിത്സയിലായിരുന്നു.
ചികിത്സയ്ക്കിടെ ആരോഗ്യനില മോശമായതിനെ തുടര്ന്ന് അദ്ദേഹം മരണത്തിന് കീഴടങ്ങുകയായിരുന്നു.
