സിആർ7 ഇല്ലാത്ത ലോകകപ്പ് ആർക്ക് വേണം? ടിക്കറ്റ് നിരക്കുകൾ പകുതിയിലധികമായി കുറഞ്ഞ് റീസെയിൽ മാർക്കറ്റ്

ഫിഫ ലോകകപ്പ് ക്വാർട്ടർ ഫൈനൽ പോരാട്ടങ്ങൾ പുരോഗമിക്കുമ്പോൾ ടിക്കറ്റ് വിപണിയിൽ വൻ വിലയിടിവ്. പോർച്ചുഗലിന്റെയും സഹ-ആതിഥേയരായ അമേരിക്കയുടെയും പുറത്താകലിന് പിന്നാലെയാണ് ചില മത്സരങ്ങളുടെ റീസെയിൽ ടിക്കറ്റ് നിരക്കുകൾ ഗണ്യമായി കുറഞ്ഞതെന്നാണ് റിപ്പോർട്ടുകൾ.

കിരീട പ്രതീക്ഷയുമായെത്തിയ പോർച്ചുഗൽ പ്രീക്വാർട്ടറിൽ സ്പെയിനിനോട് തോറ്റതോടെ ക്രിസ്റ്റ്യാനോ റൊണാൾഡോയുടെ ലോകകപ്പ് യാത്ര അവസാനിച്ചിരുന്നു. അമേരിക്കയും ബെൽജിയത്തോട് പരാജയപ്പെട്ട് ടൂർണമെന്റിൽ നിന്ന് പുറത്തായതോടെ ആരാധക താൽപര്യത്തിൽ കുറവുണ്ടായെന്നാണ് വിലയിരുത്തൽ.

സെക്കൻഡറി ടിക്കറ്റ് വിപണിയായ ടിക്‌പിക്കിന്റെ കണക്കുകൾ പ്രകാരം, സ്പെയിൻ–ബെൽജിയം ക്വാർട്ടർ ഫൈനൽ മത്സരത്തിന്റെ ഏറ്റവും കുറഞ്ഞ റീസെയിൽ ടിക്കറ്റ് വില ഏതാനും ദിവസങ്ങൾക്കിടെ 2,950 ഡോളറിൽ നിന്ന് 1,200 ഡോളറിലേക്ക് താഴ്ന്നു. മറ്റ് ക്വാർട്ടർ ഫൈനൽ മത്സരങ്ങളുടെയും റീസെയിൽ വിലയിൽ ഇടിവ് രേഖപ്പെടുത്തിയിട്ടുണ്ട്.

അതേസമയം, ടിക്കറ്റ് വിലയിൽ വന്ന ഈ കുറവ് പ്രധാനമായും റീസെയിൽ വിപണിയിലാണെന്നും, ഔദ്യോഗിക ടിക്കറ്റ് വിലകൾ ആവശ്യകതയും ലഭ്യതയും പരിഗണിച്ച് ഫിഫയ്ക്ക് ക്രമീകരിക്കാനാകുമെങ്കിലും ഇത് സ്വയമേവ മാറുന്ന ഡൈനാമിക് പ്രൈസിങ് സംവിധാനമല്ലെന്നും ഫിഫ നേരത്തേ വ്യക്തമാക്കിയിട്ടുണ്ട്.

Related news

പ്രിൻസസ് ഓഫ് അസ്റ്റൂറിയസ് പുരസ്കാരം നേടി ലയണൽ മെസ്സി; ഈ നേട്ടം കൈവരിക്കുന്ന ആദ്യ ഫുട്ബോൾ താരം

സ്പെയിനിലെ പ്രശസ്തമായ പ്രിൻസസ് ഓഫ് അസ്റ്റൂറിയസ് പുരസ്കാരം നേടുന്ന ആദ്യ ഫുട്ബോൾ...

മുംബൈ ഇന്ത്യൻസ് മുഖ്യപരിശീലക സ്ഥാനം ഒഴിഞ്ഞ് മഹേള ജയവർധനെ; മൂന്ന് കിരീടനേട്ടങ്ങളുടെ പെരുമയുമായി പടിയിറക്കം

ഐപിഎൽ ടീമായ മുംബൈ ഇന്ത്യൻസിന്റെ മുഖ്യപരിശീലക സ്ഥാനം ഒഴിഞ്ഞ് മഹേള ജയവർധനെ....

റൊണാൾഡോയുമായുള്ള തർക്കം; കോച്ച് ജോർജ് ജീസസിനെതിരെ അച്ചടക്കനടപടിക്ക് സാധ്യത

ക്രിസ്റ്റ്യാനോ റൊണാൾഡോയുമായുള്ള തർക്കത്തിൽ പോർച്ചുഗൽ ദേശീയ ടീം പരിശീലകൻ ജോർജ് ജീസസിനെതിരെ...

മെസിയുടെ വൈകാരിക വിടവാങ്ങൽ; ‘അർജന്റീനയുടെ കളിക്കാരനായത് ജീവിതത്തിലെ ഏറ്റവും മനോഹരമായ കാര്യം’

അർജന്റീന: ആരാധകരെ വികാരഭരിതരാക്കി അർജന്റീനയുടെ സൂപ്പർ താരം ലയണൽ മെസിയുടെ വിടവാങ്ങൽ...

ഇതിഹാസത്തിന് വിരാമം: നീലക്കുപ്പായത്തിൽ ഇനി മെസിയില്ല, മായാജാലം ബാക്കി!

അർജന്റീനയുടെ നീലക്കുപ്പായത്തിൽ ലിയോണൽ മെസിക്ക് ഇനി മത്സരങ്ങളില്ല...നേടാനുള്ളതെല്ലാം നേടി, ഫുട്ബോൾ ലോകത്തിന്റെ...