കൊച്ചി പിറവത്ത് ദിവസങ്ങൾ പഴകിയ ഭക്ഷണം പിടികൂടി. നഗരസഭാ പരിധിയിൽ ആരോഗ്യ വിഭാഗം നടത്തിയ പരിശോധനയിലാണ് പഴകിയ ഭക്ഷണം പിടികൂടിയത്. ചോറ്, ചപ്പാത്തി, ചിക്കൻ, ബീഫ്, എണ്ണ പലഹാരങ്ങൾ തുടങ്ങിയവയാണ് പിടിച്ചെടുത്തത്.
രാവിലെ മുതൽ ആരംഭിച്ച പരിശോധനയിൽ ബേക്കറികൾ മുതൽ എട്ട് സ്ഥാപനങ്ങളിൽ നിന്ന് പഴകിയ ഭക്ഷണം പിടികൂടിയത്. പാലച്ചുവട് ജംക്ഷനിലെ ശിവനന്ദ ബേക്കറി, വിജയ ബേക്കറി, പിറവം ടൗണിലെ ഹോട്ടലുകളായ ഹണീബി, അഥീന, സിറ്റി ഹോട്ടൽ, ഐശ്വര്യ, ജേക്കേഴ്സ്, കുഞ്ഞൂഞ്ഞ് എന്നിവിടങ്ങളിൽ നിന്നാണു ഭക്ഷണം കണ്ടെടുത്തത്.
പാചകത്തിന് ഉപയോഗിച്ചിരുന്ന പഴകിയ എണ്ണയും പിടികൂടി. ഹോട്ടൽ ഉടമകൾക്ക് ആരോഗ്യ വിഭാഗം നോട്ടിസ് നൽകി. ഇവരിൽ നിന്നും പിഴ ഈടാക്കുമെന്നും അധികൃതർ അറിയിച്ചു.
