കനത്ത മഴയെ തുടര്ന്ന് മലപ്പുറം പരിയാപുരം കിഴക്കേ മുക്കിലുള്ള ലൈഫ് വീടുകളിലേക്ക് മണ്ണിടിഞ്ഞ് വീണു. സുരക്ഷിതമല്ലാത്ത സ്ഥലത്താണ് വീടെന്നതിനാല് മിക്ക വീടുകളിലും ആളുകള് താമസിക്കുന്നുണ്ടായിരുന്നില്ല.16 വീടുകളാണ് ഇവിടെയുള്ളത്.
ഇത് ആദ്യമായല്ല പരിയാപുരത്തെ ഈ വീടുകളിലേക്ക് മണ്ണിടിഞ്ഞ് വീഴുന്നത്. 10 വര്ഷം മുന്മ്പാണ് വീട് നിര്മമാണത്തിനായി പഞ്ചായത്ത് പല തട്ടുകളായി കിടക്കുന്ന ഈ ഭൂമി വാങ്ങിയത്. 5 വര്ഷം മുന്മ്പ് ലൈഫ് ഭവന പദ്ധതി പ്രകാരം 15 വീടും , ഇന്ദിര ആവാസ് യോജന പ്രകാരം ഒരു വീടും നിര്മ്മിച്ചു. മിക്ക വീടുകളിലേക്കും വഴിയില്ല. മണ്ണിടിച്ചില് പതിവായതോടെ ഭൂരിഭാഗം കുടുംബങ്ങളും വാടക വീടുകളിലേക്ക് മാറി.
ഒട്ടും സുരക്ഷിതമല്ലാത്ത സ്ഥലം ഭവന നിര്മാണത്തിനായി വാങ്ങിയതില് അഴിമതി നടന്നിട്ടുണ്ടെന്ന ആരോപണം ഉയര്ന്നെങ്കിലും ഇതുവരെ യാതൊരു അന്വേഷണവും നടന്നിട്ടില്ല.
സര്ക്കാര് പണം ഉപയോഗിച്ച് സ്ഥലം വാങ്ങുകയും , വീടു നിര്മ്മിക്കുകയും ചെയ്തെങ്കിലും നിര്ധനരായ കുടുംബങ്ങള്ക്ക് സുരക്ഷിതമായി ഇവിടെ താമസിക്കാന് കഴിയുന്നില്ല. 2018 ലും, 2019 ലും ശക്തമായ മണ്ണിടിച്ചില് ഉണ്ടായതോടെയാണ് ഭൂരിഭാഗം കുടുംബങ്ങളും ഇവിടെ നിന്നും മാറി താമസിച്ചത്
