തിരുവനന്തപുരം: നാലുവര്ഷത്തില് ഹോണററി ബിരുദം നേടുന്നതടക്കമുള്ള കരട് പാഠ്യപദ്ധതി ചട്ടക്കൂടിന് അന്തിമരൂപം ഒരാഴ്ചക്കകം. നാലുവര്ഷ ബിരുദത്തിന് ചേരുന്നവര്ക്ക് മൂന്നാം വര്ഷവും ബിരുദവും നാലാം വര്ഷം ഹോണററി ബിരുദവുമാണ് ലഭിക്കുക. യുജിസിയില് നിന്ന് വ്യത്യസ്തമായി മൂന്നാം വര്ഷം മാത്രമാണ് എക്സിറ്റ് ഓപ്ഷനുള്ളത്. യുജിസിയില് ഒരുവര്ഷത്തില് സര്ട്ടിഫിക്കറ്റും രണ്ടുവര്ഷത്തില് ഡിപ്ലോമയും ലഭിക്കുന്ന ഓപ്ഷനുമുണ്ട്. എന്നാലിതില് തൊഴില്മേഖലയിലേക്കുള്ള പഠനം മാത്രമാണുണ്ടാവുക. ഉന്നതവിദ്യാഭ്യാസ കൗണ്സിലിന്റെ പാഠ്യപദ്ധതിയില് അറിവും നൈപുണ്യവും ഒരേപോലെ ലഭിക്കുന്ന തരത്തിലുള്ളതാകും.
പാഠ്യപദ്ധതി ചട്ടക്കൂടില് ആവശ്യമായ ഭേദഗതികള് ചര്ച്ചയിലൂടെ ക്രോഡീകരിച്ച് സമര്പ്പിച്ചതിന് ശേഷം അന്തിമരേഖയില് വിദ്യാര്ഥി, അധ്യാപക പ്രതിനിധികള് വീണ്ടും ചര്ച്ചയാകും. തുടര്ന്നിത് സര്വകലാശാലകള്ക്ക് കൈമാറുംകോളേജുകളുടെ അടിസ്ഥാന സൗകര്യവികസനമടക്കമുള്ളവയും ചര്ച്ചയാകും. ബോര്ഡ് ഓഫ് സ്റ്റഡീസിന്റെ പഠനത്തിന് ശേഷം സിലബസ് പരിഷ്കരണവും നടത്തും.
