ബില്ല് അടയ്ക്കാതിരുന്നതിനെ തുടര്ന്ന് തമ്പാനൂര് കെഎസ്ആര്ടിസി ഡിപ്പോയുടെ ഫ്യൂസ് ഊരി കെഎസ്ഇബി. ദിവസേന പതിനായിരത്തിലധികം യാത്രക്കാര് വന്നുപോകുന്ന തലസ്ഥാന നഗരത്തിലെ പ്രധാന ഡിപ്പോയാണ് തമ്പാനൂരിലേത്. 41,000 രൂപയാണ് വൈദ്യുതി ബില് ഇനത്തില് കെഎസ്ആര്ടിസി കെഎസ്ഇബിയില് അടയ്ക്കാന് ഉണ്ടായിരുന്നത്.
വൈദ്യുതി വിച്ഛേദിച്ചതോടെ എന്ക്വയറി വിഭാഗം അടക്കമുള്ള ഓഫീസുകള് ഇരുട്ടിലായി. റിസര്വേഷനെ അടക്കം ബാധിച്ചു. തുടര്ന്ന് അരമണിക്കൂറിന് ശേഷം ബില്ല് അടച്ചതോടെ വൈദ്യുതി ബന്ധം പുനഃസ്ഥാപിച്ചു.
