സെസ് ഏര്‍പ്പെടുത്തിയിട്ടും മദ്യവില കൂടി

സെസ് ഏര്‍പ്പെടുത്തിയതോടെ ഇന്ധന വില്‍പന ഇടിഞ്ഞെങ്കിലും മദ്യവില്‍പനയെ ഇതു ബാധിച്ചില്ല. കഴിഞ്ഞ നവംബറില്‍ വില്‍പന നികുതി നാലു ശതമാനം വര്‍ധിപ്പിക്കുകയും ഇത്തവണ ബജറ്റില്‍ സെസ് ഏര്‍പ്പെടുത്തുകയും ചെയ്‌തെങ്കിലും വിദേശമദ്യ വില്‍പനയില്‍ വലിയ ഏറ്റക്കുറച്ചിലുകളില്ല. വില കൂടിയാലും മദ്യം ജനം വാങ്ങും എന്നു സാരം. ബാറുകളിലേക്കും കണ്‍സ്യൂമര്‍ ഫെഡിലേക്കുമായി നല്‍കിയ മദ്യത്തിന്റെ അളവില്‍ മുന്‍ വര്‍ഷത്തെ അപേക്ഷിച്ചു നേരിയ കുറവുണ്ടെങ്കിലും ബവ്‌കോ ഔട്ലെറ്റ് വഴിയുള്ള വില്‍പന വര്‍ധിക്കുകയാണു ചെയ്തത്.

2022 ഏപ്രില്‍ മുതല്‍ ജൂണ്‍ 15 വരെയുള്ള രണ്ടര മാസം ബവ്‌കോയില്‍ നിന്നു ബാറുകള്‍ക്കും കണ്‍സ്യൂമര്‍ ഫെഡിനും നല്‍കിയതു 11.48 ലക്ഷം കെയ്‌സ് വിദേശമദ്യമായിരുന്നു. ഈ വര്‍ഷം ഇതേ കാലയളവില്‍ ഇതു 11.36 ലക്ഷം കെയ്‌സ്. എന്നാല്‍ ബവ്‌കോ ഔട്ലെറ്റുകള്‍ വഴി കഴിഞ്ഞ വര്‍ഷം ഇതേ കാലയളവില്‍ 32.48 ലക്ഷം കെയ്‌സ് വിദേശമദ്യം വിറ്റ സ്ഥാനത്ത് ഈ വര്‍ഷം വില്‍പന 35.45 ലക്ഷമായി ഉയര്‍ന്നു.
സെസ് നിലവില്‍ വന്നശേഷം ഏപ്രില്‍ മുതല്‍ ജൂണ്‍ 15 വരെയുള്ള രണ്ടര മാസത്തെ വില്‍പനക്കണക്ക് ഇങ്ങനെയാണ്: ബാറുകളിലേക്കും കണ്‍സ്യൂമര്‍ ഫെഡിലേക്കുമായി 11.36 ലക്ഷം കെയ്‌സ് വിദേശമദ്യവും 14.88 ലക്ഷം കെയ്‌സ് ബീയറും വിറ്റു. ബവ്‌കോ ഔട്ലെറ്റുകളില്‍ 35.45 ലക്ഷം കെയ്‌സ് വിദേശമദ്യവും 11.77 ലക്ഷം കെയ്‌സ് ബീയറും വിറ്റു. രണ്ടര മാസത്തിനിടെ ആകെ വില്‍പന 4091.61 കോടിയുടേത്. മാസം ശരാശരി 1636 കോടിയുടെ വില്‍പന. 2023 മാര്‍ച്ചില്‍ ബാറുകളിലേക്കും കണ്‍സ്യൂമര്‍ ഫെഡിലേക്കും ആകെ നല്‍കിയത് 5.06 ലക്ഷം കെയ്‌സ് വിദേശമദ്യവും 7.17 ലക്ഷം കെയ്‌സ് ബീയറുമാണ്.

ബവ്‌കോ ഔട്ലെറ്റുകള്‍ വഴി വിറ്റത് 15.60 ലക്ഷം കെയ്‌സ് വിദേശമദ്യവും 4.63 ലക്ഷം കെയ്‌സ് ബീയറും. സാമ്പത്തികവര്‍ഷം അവസാനിക്കുന്നതിനാല്‍ മാര്‍ച്ചില്‍ വില്‍പനയ്ക്കു നല്ല ‘പുഷ്’ കൊടുക്കാറുള്ളതിനാലാണു വില്‍പന കൂടിയതെന്നു പറയുന്നു. ആകെ 1556 കോടി രൂപയുടെ മദ്യം ബവ്‌കോ വിറ്റു. 5001000 രൂപ വിലയുള്ള മദ്യത്തിന് 20 രൂപയും ആയിരത്തിനു മുകളില്‍ വിലയുള്ള മദ്യത്തിനു 40 രൂപയുമാണു സര്‍ക്കാര്‍ സെസ് ഏര്‍പ്പെടുത്തിയത്. എന്നാല്‍, ഇതു യഥാക്രമം 30, 50 രൂപ വീതമാണു ബവ്‌കോ കുപ്പികളില്‍ ചുമത്തിയത്. സെസ് ചേര്‍ക്കുമ്പോഴുള്ള വില്‍പനവിലയില്‍ വില്‍പന നികുതിയും വിറ്റുവരവു നികുതിയും ചുമത്തുകയായിരുന്നു.

spot_img

Related news

ഐശ്വര്യത്തിന്റെയും സമൃദ്ധിയുടെയും പൊന്‍പുലരി കണി കണ്ടുണര്‍ന്ന് നാടെങ്ങും ഇന്ന് വിഷു ആഘോഷം

ഐശ്വര്യവും, സമ്പല്‍സമൃദ്ധിയും നിറഞ്ഞ പുതു കാലത്തിനായുള്ള പ്രാര്‍ത്ഥനയും, പ്രതീക്ഷയുമായി ഇന്ന് വിഷു....

റഹീമിനെ മോചിപ്പിക്കാൻ കാരുണ്യപ്പെയ്ത്; വാദി ഭാഗം വക്കീലുമായി കൂടിക്കാഴ്ച ഉടൻ

സൗദി ജയിലിൽ കഴിയുന്ന അബ്ദുൽ റഹീമിന്റെ മോചനത്തിന് 34 കോടി രൂപ...

സംസ്ഥാനത്തെ സർക്കാർ മെഡിക്കൽ കോളേജുകൾക്ക് ചരിത്ര നേട്ടം; 7 വിദ്യാർത്ഥികൾക്ക് രാജ്യത്ത് ഒന്നാം സ്ഥാനത്തോടെ സ്വർണ മെഡലുകൾ

സംസ്ഥാനത്തെ സർക്കാർ മെഡിക്കൽ കോളേജുകളിലെ 7 വിദ്യാർത്ഥികൾക്ക് അഖിലേന്ത്യാ മെഡിക്കൽ സയൻസ്...

ഫഹദ് ഫാസിൽ കവിത ഗോൾഡ് ആന്റ് ഡയമണ്ട്സ് ബ്രാന്റ് അംബാസിഡർ

പാലക്കാട്‌: സിനിമാതാരം ഫഹദ് ഫാസിൽ കവിത ഗോൾഡ് ആന്റ് ഡയമണ്ട്സിന്റെ പുതിയ...

ബില്ലുകളില്‍ തീരുമാനം വൈകുന്നു; രാഷ്ട്രപതിക്കെതിരെ കേരളം സുപ്രീം കോടതിയില്‍, അസാധാരണ നീക്കം

നിയമസഭ പാസാക്കിയ ബില്ലുകള്‍ക്ക് അനുമതി തടഞ്ഞ രാഷ്ട്രപതിയുടെ നടപടി ചോദ്യം ചെയ്ത്...