നടൻ റോബിൻ വർഗീസ് അന്തരിച്ചു. ജയരാജ് സംവിധാനം ചെയ്ത ‘ജോണി വാക്കർ’ എന്ന ചിത്രത്തിൽ ഷെല്ലി എന്ന കഥാപാത്രത്തെ അവതരിപ്പിച്ചാണ് ശ്രദ്ധേയനായത്. പത്തനംതിട്ട കുന്നന്താനം സ്വദേശിയായ അദ്ദേഹം അസുഖബാധിതനായി ഏറെ നാളായി ചികിത്സയിലായിരുന്നു. അമേരിക്കയിൽ വെച്ചായിരുന്നു അന്ത്യം.
കൊച്ചിൻ കോറസ് എന്ന മിമിക്രി ട്രൂപ്പിലൂടെയാണ് കലാരംഗത്തേക്ക് എത്തിയത്. ‘ജോണി വാക്കർ’ കൂടാതെ ‘സോളമന്റെ മണവാട്ടി സോഫിയ’ എന്ന ചിത്രത്തിലും അഭിനയിച്ചിട്ടുണ്ട്. നിരവധി ഹ്രസ്വചിത്രങ്ങളിലും വേഷമിട്ടു.




