ലഡാക്കില് ഭൂചലനം. റിക്ടര് സ്കെയില് 5.5 തീവ്രത രേഖപ്പെടുത്തിയ ഭൂചലനത്തില് ഇതുവരെ നാശനഷ്ടങ്ങളോ ആളപായമോ റിപ്പോർട്ട് ചെയ്തിട്ടില്ല. വ്യാഴാഴ്ച പുലര്ച്ചെ ആറ് മണിയോടെയായിരുന്നു ലഡാക്കിലെ ലേയില് ഭൂചലനം ഉണ്ടായത്. പത്ത് കിലോമീറ്റര് ചുറ്റളവില് ഭൂകമ്പത്തിന്റെ പ്രകമ്പനം അനുഭവപ്പെട്ടതായി നാഷണല് സെന്റര് ഫോര് സീസ്മോളജി അറിയിച്ചു. ഭൂചലനത്തിന്റെ പ്രഭവകേന്ദ്രം എവിടെയെന്ന് ഇതുവരെ വ്യക്തമായിട്ടില്ല.
