തമിഴ്നാട്ടിലെ കരൂർ ദുരന്തത്തിൽ മരിച്ചവരുടെ കുടുംബങ്ങൾക്ക് ആശ്വാസനടപടിയുമായി തമിഴക വെട്രി കഴകം. ദുരന്തത്തിൽ മരിച്ച ഓരോ കുടുംബത്തിലെയും ഒരാൾക്ക് സർക്കാർ ജോലി നൽകാൻ തീരുമാനിച്ചതായി പാർട്ടി നേതൃത്വം അറിയിച്ചു.
നിയമന ഉത്തരവ് നേരിട്ട് കൈമാറുന്നതിനായി പാർട്ടി അധ്യക്ഷൻ വിജയ് ഈ മാസം പത്തിന് കരൂരിലെത്തും. 2025 സെപ്റ്റംബർ 27-നാണ് സംസ്ഥാനത്തെ നടുക്കിയ കരൂർ ദുരന്തമുണ്ടായത്.
തമിഴക വെട്രി കഴകത്തിന്റെ തിരഞ്ഞെടുപ്പ് പ്രചാരണ റാലിക്കിടെയുണ്ടായ തിക്കുംതിരക്കിലായിരുന്നു 41 പേർ മരിച്ചത്. വിജയ് പങ്കെടുക്കുന്ന പൊതുയോഗത്തിൽ ലക്ഷക്കണക്കിന് ആളുകൾ എത്തിയിരുന്നു. വിജയ് എത്താൻ മണിക്കൂറുകളോളം വൈകിയതിനെ തുടർന്ന് ജനക്കൂട്ടം വർധിക്കുകയും, വാഹനവ്യൂഹം എത്തിയപ്പോൾ ആളുകൾ ഒരുമിച്ച് മുന്നോട്ടേക്ക് നീങ്ങാൻ ശ്രമിച്ചതോടെ അനിയന്ത്രിതമായ തിക്കുംതിരക്കുണ്ടാകുകയുമായിരുന്നു.
ദുരന്തത്തിൽ മരിച്ചവരുടെ കുടുംബങ്ങൾക്ക് സഹായം ഉറപ്പാക്കുന്നതിന്റെ ഭാഗമായാണ് തൊഴിൽ നൽകാനുള്ള തീരുമാനമെന്ന് പാർട്ടി നേതൃത്വം അറിയിച്ചു.
