യൂട്യൂബറുടെ വീട്ടിൽ 118 പവൻ കവർന്ന സംഭവം; നാല് പേർ അറസ്റ്റിൽ

സ്വർണവും പണവും പ്രദർശിപ്പിച്ച് യൂട്യൂബർ വീഡിയോ പങ്കുവെച്ചതിന് പിന്നാലെ വീട്ടിൽ നിന്ന് 118 പവൻ സ്വർണം കവർന്ന സംഭവത്തിൽ നാല് പേർ അറസ്റ്റിൽ. ശ്രീവൈകുണ്ഠം സ്വദേശി ഇസക്കി പാണ്ടി, മുരുകൻ, ആലംകുളം സ്വദേശി മുരുകേശൻ, തിമ്മരാജപുരം സ്വദേശി തങ്കപാണ്ടി എന്നിവരെയാണ് തമിഴ്നാട് പൊലീസ് അറസ്റ്റ് ചെയ്തത്.

പ്രതികളിൽ നിന്ന് 98 പവൻ സ്വർണാഭരണങ്ങൾ പൊലീസ് പിടിച്ചെടുത്തു. നാഗർകോവിലിന് സമീപം തമ്മട്ടുകോണത്തെ വി.ഐ.പി ഗാർഡനിൽ താമസിക്കുന്ന വ്യവസായി വിനോദ് കുമാറിന്റെയും യൂട്യൂബർ മധുമിതയുടെയും വീട്ടിലാണ് കഴിഞ്ഞ 24-ന് രാത്രിയിൽ മോഷണം നടന്നത്.

മധുമിത വീട്ടിലെ സ്വർണവും പണവും പ്രദർശിപ്പിച്ചുള്ള വീഡിയോ സമൂഹമാധ്യമങ്ങളിൽ പങ്കുവെച്ചിരുന്നു. കുഞ്ഞിനെ നോട്ടുകൾ കൊണ്ട് അഭിഷേകം ചെയ്യുന്ന വീഡിയോകളും പ്രചരിച്ചിരുന്നു. ഇതിന് പിന്നാലെയാണ് വീട്ടിൽ മോഷണം നടന്നതെന്നാണ് പരാതി.

സിസിടിവി ഉൾപ്പെടെ സുരക്ഷാ സംവിധാനങ്ങളുള്ള വീടിന്റെ പിൻവാതിൽ തകർത്താണ് മോഷ്ടാക്കൾ അകത്ത് കടന്നത്. രാജഗമംഗലം പൊലീസ് കേസെടുത്ത് നടത്തിയ അന്വേഷണത്തിൽ സിസിടിവി ദൃശ്യങ്ങളും ഫോൺ കോളുകളും കേന്ദ്രീകരിച്ചാണ് പ്രതികളെ കണ്ടെത്തിയത്.

160 സിസിടിവി ദൃശ്യങ്ങളും 35 സി.ഡി.ആറുകളും പരിശോധിച്ച ശേഷമാണ് നാല് പേരെ അറസ്റ്റ് ചെയ്തത്. കഴിഞ്ഞ ആറ് മാസമായി മധുമിതയുടെ വീഡിയോകൾ നിരീക്ഷിച്ച ശേഷമാണ് പ്രതികൾ കവർച്ച ആസൂത്രണം ചെയ്തതെന്ന് പൊലീസ് അറിയിച്ചു. കാർ വീട്ടിലില്ലെങ്കിൽ വീട്ടിൽ ആരും ഉണ്ടാകില്ലെന്ന് ഉറപ്പാക്കിയ ശേഷമായിരുന്നു മോഷണമെന്നാണ് പൊലീസ് പറയുന്നത്.

മോഷ്ടിച്ച ബാക്കി സ്വർണം എവിടെയാണെന്നതടക്കമുള്ള കാര്യങ്ങളിൽ അന്വേഷണം തുടരുകയാണ്. കേസിൽ കൂടുതൽ പേർക്ക് പങ്കുണ്ടോയെന്നും മറ്റ് മോഷണങ്ങളുമായി ബന്ധമുണ്ടോയെന്നും പൊലീസ് പരിശോധിക്കുന്നുണ്ട്. പിടിച്ചെടുത്ത സ്വർണാഭരണങ്ങൾ മുഴുവൻ ഇതേ വീട്ടിൽനിന്ന് മോഷണം പോയതാണോ എന്നതിലും ഉടമസ്ഥാവകാശം ഉൾപ്പെടെയുള്ള പരിശോധന തുടരുകയാണ്.

Related news

രക്തബന്ധമുള്ളവർ തമ്മിലുള്ള വിവാഹം നിയന്ത്രിക്കാൻ നിയമനിർമ്മാണം പരിഗണിക്കണം; കേന്ദ്രസർക്കാരിനോട് നിർദ്ദേശവുമായി സുപ്രീംകോടതി

രക്തബന്ധമുള്ളവർ തമ്മിലുള്ള വിവാഹം നിയന്ത്രിക്കാൻ നിയമനിർമാണം പരിഗണിക്കണം; കേന്ദ്രസർക്കാരിനോട് നിർദേശവുമായി സുപ്രീംകോടതി....

മണിപ്പൂരിൽ വൻ വ്യാജമദ്യ ദുരന്തം: 15 പേർക്ക് ദാരുണാന്ത്യം; 180-ലധികം പേർ ആശുപത്രിയിൽ

മണിപ്പൂരിൽ വ്യാജമദ്യ ദുരന്തം; 15 പേർക്ക് ദാരുണാന്ത്യം, 180ലധികം പേർ ആശുപത്രിയിൽ....

നാഗർകോവിൽ–കോട്ടയം ട്രെയിനിലെ അഴുകിയ മൃതദേഹം: ക്രൂരമായി പീഡിപ്പിച്ച് കൊലപ്പെടുത്തിയതെന്ന് കണ്ടെത്തൽ; കന്യാകുമാരി സ്വദേശി അറസ്റ്റിൽ

നാഗർകോവിലിൽ നിർത്തിയിട്ടിരുന്ന ട്രെയിനിനുള്ളിൽ യുവതിയെ ബലാത്സംഗം ചെയ്ത് കൊലപ്പെടുത്തി; പ്രതി പിടിയിൽ....

ട്രെയിനുകളുടെ സമയനിഷ്ഠയിൽ വൻ ഇടിവ്; കേരളത്തിലേക്കുള്ള സർവീസുകളും പട്ടികയിൽ

മുംബൈ: രാജ്യത്ത് ട്രെയിനുകളുടെ സമയനിഷ്ഠ ഗണ്യമായി കുറഞ്ഞതായി ഇന്ത്യൻ റെയിൽവേയുടെ വെളിപ്പെടുത്തൽ....

ഉത്തർപ്രദേശിലെ സർക്കാർ സ്കൂളുകളിൽ അടിസ്ഥാന സൗകര്യങ്ങളുടെ അഭാവം; സി.ജെ.പി പരിശോധനാ റിപ്പോർട്ട്

ഡൽഹി: ഉത്തർപ്രദേശിലെ സർക്കാർ സ്കൂളുകളിൽ അടിസ്ഥാന സൗകര്യങ്ങളുടെ അപര്യാപ്തത കണ്ടെത്തി സി.ജെ.പി....