കോട്ടക്കലിൽ വീണ്ടും കാൽപ്പന്താരവം; അൽ അസ്ഹർ അഖിലേന്ത്യാ സെവൻസ് ലോഗോ പ്രകാശനം ചെയ്തു

17-ാമത് അൽ അസ്ഹർ അഖിലേന്ത്യാ സെവൻസ് ഫുട്ബോൾ ടൂർണ്ണമെന്റിന്റെ ലോഗോ പ്രകാശനം ചെയ്തു. കോട്ടക്കൽ പൊലീസ് സർക്കിൾ ഇൻസ്പെക്ടർ ദീപ കുമാർ ആണ് ലോഗോ പ്രകാശനം നിർവ്വഹിച്ചത്. “കളിയിലുമുണ്ട് കാര്യം” എന്ന സന്ദേശവുമായി എത്തുന്ന ടൂർണ്ണമെന്റ് ഏപ്രിൽ പകുതിയോടെ കോട്ടക്കലിൽ ആരംഭിക്കും.

ഫുട്ബോൾ ആവേശം സിരകളിലേറ്റുന്ന മലപ്പുറത്തിന്റെ മണ്ണിൽ അൽ അസ്ഹർ സംഘടിപ്പിക്കുന്ന 17-ാമത് അഖിലേന്ത്യാ സെവൻസ് ഫുട്ബോൾ ടൂർണ്ണമെന്റിനായുള്ള കാത്തിരിപ്പ് തുടങ്ങിക്കഴിഞ്ഞു. ടൂർണ്ണമെന്റിന്റെ ഔദ്യോഗിക ലോഗോ പ്രകാശന ചടങ്ങിൽ അൽ അസ്ഹർ സെക്രട്ടറി നസീർ ബാബു, പ്രവർത്തക സമിതി അംഗങ്ങളായ റഫീക്ക് കല്ലൻ, മജീദ്, മുജീബ് എ.ടി, ബഷീർ രണ്ടത്താണി, പ്രദീപ് എന്നിവരും ഓർഗനൈസിംഗ് കമ്മിറ്റി ഭാരവാഹികളും പങ്കെടുത്തു. 2026 ഏപ്രിൽ 16-നാണ് കോട്ടക്കൽ പുത്തൂർ ബൈപാസിൽ ടൂർണ്ണമെന്റിന് കിക്കോഫ് കുറിക്കുന്നത്. അഖിലേന്ത്യാ തലത്തിലുള്ള പ്രമുഖ ടീമുകൾ മാറ്റുരയ്ക്കുന്ന പോരാട്ടത്തിന് പുത്തൂർ ബൈപാസ് വേദിയാകും. കോട്ടക്കലിന്റെ കായിക ഭൂപടത്തിൽ വലിയ ചലനങ്ങൾ സൃഷ്ടിക്കുന്ന അൽ അസ്ഹർ സെവൻസിനായി ഗാലറികൾ ഒരുങ്ങിക്കഴിഞ്ഞു.

Related news

വളാഞ്ചേരി റെയ്ഞ്ച് മദ്രസാ മാനേജ്മെന്റ് അസോസിയേഷന് പുതിയ ഭാരവാഹികൾ

വളാഞ്ചേരി റെയ്ഞ്ച് സമസ്ത കേരള മദ്രസാ മാനേജ്മെൻ്റ് അസോസിയേഷൻ ജനറൽ ബോഡി...

പ്രായപൂർത്തിയാകാതെ വാഹനമോടിക്കൽ; സംസ്ഥാനത്ത് പിടിയിലായവരിൽ പകുതിയോളം മലപ്പുറത്ത്

മലപ്പുറം: പ്രായപൂർത്തിയാകാതെ വാഹനമോടിച്ചതിന് സംസ്ഥാനത്ത് പിടിയിലായവരിൽ പകുതിയോളം പേരും മലപ്പുറം ജില്ലയിൽ...

വാറന്റി സേവനം നിഷേധിച്ചു; സാംസങ്ങിന് 58,999 രൂപ നഷ്ടപരിഹാരം നൽകാൻ ഉത്തരവ്

മലപ്പുറം: സ്മാർട്ട് വാച്ചിന്റെ തകരാർ പരിഹരിക്കാൻ വാറന്റി സേവനം നിഷേധിച്ച സംഭവത്തിൽ...