ബെയ്ജിങ്: മിന്നൽപ്രളയം നാശം വിതച്ച നേപ്പാളിൽ വീണ്ടും ഹിമതടാകങ്ങൾ രൂപപ്പെടുന്നതായും അവ പൊട്ടാൻ സാധ്യതയുണ്ടെന്നും ചൈനയുടെ മുന്നറിയിപ്പ്. പ്രദേശത്ത് വീണ്ടും മിന്നൽപ്രളയത്തിന് സാധ്യതയുണ്ടെന്നും ചൈന മുന്നറിയിപ്പ് നൽകി.
കനത്ത മഴ തുടരുന്നതിനാൽ രക്ഷാപ്രവർത്തനം ദുഷ്കരമായിരിക്കുകയാണ്. ഇതിനിടെ ദുരന്തത്തിൽ മരണസംഖ്യ ഉയർന്നു. ഇതുവരെ 626 മരണമാണ് സ്ഥിരീകരിച്ചത്.
ദുരന്തമേഖലയ്ക്ക് ചുറ്റുമുള്ള പ്രദേശങ്ങളിൽ നിരവധി ഹിമാനികളും ഹിമതടാകങ്ങളും ഇപ്പോഴും നിലനിൽക്കുന്നുണ്ടെന്നും ഇവ പൊട്ടാനുള്ള സാധ്യതയുണ്ടെന്നും ചൈനീസ് സർക്കാർ അറിയിച്ചു. പുതുതായി രണ്ട് ഹിമതടാകങ്ങൾ കൂടി രൂപപ്പെട്ടത് ആശങ്ക വർധിപ്പിച്ചിട്ടുണ്ട്.
ചോച്ചെൻ ഖോല, പുരെപു സാങ്പു നദികളുടെ സംഗമസ്ഥാനത്തിന് സമീപമുള്ള തടാകം കവിഞ്ഞൊഴുകിയതായും ഇത് പൊട്ടാനുള്ള സാധ്യത കൂടുതലാണെന്നും ചൈനീസ് അധികൃതർ വ്യക്തമാക്കി.
കനത്ത മഴയും ഉയരുന്ന ജലനിരപ്പും രക്ഷാപ്രവർത്തനത്തിന് വലിയ തടസ്സമാകുന്നതായി നേപ്പാൾ ദുരന്തനിവാരണ അതോറിറ്റിയും അറിയിച്ചു. ദുരന്തനിവാരണ പ്രവർത്തനങ്ങൾ കൂടുതൽ ദുഷ്കരമായ സാഹചര്യത്തിലാണ് തുടരുന്നത്.
ഇന്നലെ വൈകിട്ട് മൂന്ന് മണിയോടെ ആരംഭിച്ച മഴ ഇപ്പോഴും തുടരുകയാണ്. ദുവാകോട്ടിലാണ് ഏറ്റവും കൂടുതൽ നാശനഷ്ടം റിപ്പോർട്ട് ചെയ്തിരിക്കുന്നത്. 35 രാജ്യങ്ങളിൽ നിന്നുള്ള പൗരന്മാരെ ദുവാകോട്ടിൽ കാണാതായതായി നേപ്പാൾ സർക്കാർ സ്ഥിരീകരിച്ചിട്ടുണ്ട്.
അതേസമയം, 149 ഇന്ത്യക്കാർ ഇന്നലെ നേപ്പാളിൽനിന്ന് ചൈനയിലെത്തിയതായി വിദേശകാര്യ മന്ത്രാലയം അറിയിച്ചു. നിലവിൽ 400-ഓളം ഇന്ത്യക്കാർ ചൈനയിലുണ്ടെന്നാണ് വിവരം. വിദേശകാര്യ മന്ത്രാലയത്തിന്റെ കണക്കുകൾ പ്രകാരം 320 ഇന്ത്യക്കാരെയാണ് കാണാതായിരിക്കുന്നത്.
