തിരുവനന്തപുരം: സംസ്ഥാനത്ത് സ്വർണവിലയിൽ വൻ ഇടിവ്. ഒറ്റ ദിവസം കൊണ്ട് ഒരു പവൻ സ്വർണത്തിന് 1,600 രൂപയാണ് കുറഞ്ഞത്. ഗ്രാമിന് 200 രൂപയും കുറഞ്ഞു. ഇതോടെ ഒരു പവൻ സ്വർണത്തിന്റെ വില 1,02,520 രൂപയായി. ഒരു ഗ്രാം 22 കാരറ്റ് സ്വർണത്തിന് 12,815 രൂപയാണ് ഇന്നത്തെ വില.
നവംബർ അഞ്ചിന് രേഖപ്പെടുത്തിയ 1,07,080 രൂപയാണ് ഈ മാസം ഇതുവരെ ഒരു പവൻ സ്വർണത്തിന് രേഖപ്പെടുത്തിയ ഏറ്റവും ഉയർന്ന വില.
ലോകത്തിലെ ഏറ്റവും വലിയ സ്വർണ ഉപഭോക്താക്കളിലൊന്നാണ് ഇന്ത്യ. ഓരോ വർഷവും ടൺ കണക്കിന് സ്വർണമാണ് രാജ്യത്തേക്ക് ഇറക്കുമതി ചെയ്യുന്നത്. അന്താരാഷ്ട്ര വിപണിയിലെ വിലവ്യതിയാനങ്ങൾ കേരളത്തിലെ സ്വർണവിലയിലും പ്രതിഫലിക്കാറുണ്ട്.
എന്നാൽ ആഗോള വിപണിയിൽ വില ഉയരുന്നതും കുറയുന്നതും അതേ അനുപാതത്തിൽ കേരളത്തിലെ വിലയിൽ പ്രതിഫലിക്കണമെന്നില്ല. രൂപയുടെ മൂല്യം, ഇറക്കുമതി തീരുവ, മറ്റ് വിപണിഘടകങ്ങൾ എന്നിവയും ആഭ്യന്തര സ്വർണവിലയെ സ്വാധീനിക്കും.
