പാലക്കാട്: പുതുക്കോട് കുടുംബാരോഗ്യ കേന്ദ്രത്തിൽ കാലാവധി കഴിഞ്ഞ പാരസെറ്റമോൾ സിറപ്പ് കുഞ്ഞുങ്ങൾക്ക് നൽകിയതായി പരാതി. ഒരു മാസം മുമ്പ് കാലാവധി കഴിഞ്ഞ മരുന്നാണ് കുട്ടികൾക്ക് വിതരണം ചെയ്തതെന്നാണ് ആരോപണം.
വാക്സിനേഷനായി ആരോഗ്യകേന്ദ്രത്തിലെത്തിയ ഏഴോളം കുട്ടികൾക്കാണ് ഇത്തരത്തിൽ മരുന്ന് ലഭിച്ചത്. ചില രക്ഷിതാക്കളുടെ ശ്രദ്ധയിൽപ്പെട്ടതോടെയാണ് വിവരം പുറത്തറിഞ്ഞത്. തുടർന്ന് മറ്റ് രക്ഷിതാക്കളെയും വിവരം അറിയിക്കുകയായിരുന്നു.
സംഭവത്തിൽ ഡി.വൈ.എഫ്.ഐ പ്രവർത്തകർ ആരോഗ്യകേന്ദ്രത്തിലെത്തി പ്രതിഷേധിച്ചു.
അബദ്ധം സംഭവിച്ചതാണെന്നും വിതരണം ചെയ്ത മരുന്നുകൾ തിരിച്ചെടുക്കാനുള്ള നടപടി സ്വീകരിച്ചിട്ടുണ്ടെന്നും ആരോഗ്യകേന്ദ്ര അധികൃതർ അറിയിച്ചു.
