തിരുവനന്തപുരം: തിരുവനന്തപുരത്ത് മസ്തിഷ്ക മരണം സംഭവിച്ച സൈനികൻ രാഹുൽ രാജീവിന്റെ അവയവങ്ങൾ ദാനം ചെയ്യും. 30 വയസ്സുകാരനായ രാഹുൽ രാജീവ് ഹിമാചൽ പ്രദേശിൽ നിന്ന് അവധിക്ക് നാട്ടിലെത്തിയ ശേഷം ആത്മഹത്യക്ക് ശ്രമിക്കുകയായിരുന്നു.
രണ്ട് വൃക്കകൾ, ഹൃദയവാൽവ്, കരൾ, കോർണിയ എന്നിവയാണ് ദാനം ചെയ്യുന്നത്. ആറ് അവയവങ്ങൾ ദാനം ചെയ്യുന്നതിലൂടെ നിരവധി പേർക്ക് പുതുജീവൻ ലഭിക്കും.
കൊല്ലം പാരിപ്പള്ളി സ്വദേശിയായ രാഹുൽ രാജീവിന്റെ മൃതദേഹം നിലവിൽ തിരുവനന്തപുരം എസ്.പി. മെഡിഫോർട്ട് ആശുപത്രിയിലാണ്.
തിരുവനന്തപുരം മെഡിക്കൽ കോളേജ്, പുഷ്പഗിരി മെഡിക്കൽ കോളേജ്, ശ്രീചിത്ര തിരുനാൾ ഇൻസ്റ്റിറ്റ്യൂട്ട് ഫോർ മെഡിക്കൽ സയൻസസ് ആൻഡ് ടെക്നോളജി, കിംസ് ആശുപത്രി എന്നിവിടങ്ങളിലേക്കാണ് അവയവങ്ങൾ ദാനം ചെയ്യുന്നത്.
