ചങ്ങരംകുളം ആലംകോട് സ്വദേശിയായ അലിയെ കാണാതായിട്ട് 11 ദിവസം പിന്നിട്ടിട്ടും വിവരമൊന്നും ലഭിച്ചില്ല. ആലംകോട് സ്വദേശി അലിയെ (58) ആഗസ്റ്റ് 30 മുതലാണ് വീട്ടിൽ നിന്ന് കാണാതായത്.
വീട്ടിൽ നിന്ന് കാണാതാകുമ്പോൾ ചാരനിറത്തിലുള്ള മുണ്ടും നീല നിറത്തിലുള്ള ടീ ഷർട്ടുമായിരുന്നു വേഷം. ചെറിയ മാനസിക അസ്വസ്ഥതകളുള്ള അലിയെ കാണാനില്ലെന്ന് കാണിച്ച് ബന്ധുക്കൾ ചങ്ങരംകുളം പൊലീസിൽ പരാതി നൽകിയിട്ടുണ്ട്.
അലിയെ കണ്ടെത്തുന്നതിനായി പൊലീസ് അന്വേഷണം തുടരുകയാണ്. അലിയെക്കുറിച്ച് എന്തെങ്കിലും വിവരം ലഭിക്കുന്നവർ ചങ്ങരംകുളം പൊലീസിലോ 7306008003 എന്ന നമ്പറിലോ അറിയിക്കണമെന്ന് ബന്ധുക്കളും പൊലീസും അഭ്യർഥിച്ചു.
അലിയെ കണ്ടെത്താൻ പൊതുജനങ്ങളുടെ സഹകരണം ഉണ്ടാകണമെന്നും പൊലീസ് അറിയിച്ചു.
