പാലക്കാട്: കാമുകനെ ഒഴിവാക്കുന്നതിനായി ക്വട്ടേഷൻ നൽകി ആക്രമണം നടത്തിയ കേസിൽ യുവതിയടക്കം അഞ്ചുപേർ അറസ്റ്റിൽ. പട്ടാമ്പി സ്വദേശിനിയായ സഫാന (19), സുഹൃത്തുക്കളായ നാദിയ (20), റബീബ (25), ഇർഷാദ് (28), അസറുദ്ദീൻ (25) എന്നിവരാണ് അറസ്റ്റിലായത്.
കഴിഞ്ഞ ദിവസം അർധരാത്രിയിലാണ് സംഭവം. പെൺസുഹൃത്തിനെ അന്വേഷിച്ച് തിരൂരിലെത്തിയ പട്ടാമ്പി സ്വദേശിയായ യുവാവിനെ പ്രതികൾ ആക്രമിക്കുകയായിരുന്നു. സുഹൃത്തിന്റെ അടുത്തെത്തിക്കാമെന്ന് വിശ്വസിപ്പിച്ച് യുവാവിനെ കാറിൽ കയറ്റിയ സംഘം ക്രൂരമായി മർദിച്ചു. യുവാവിന്റെ മൊബൈൽ ഫോണും തട്ടിയെടുത്തു.
യുവതിയുടെ നിർദേശപ്രകാരമാണ് സുഹൃത്തുക്കൾ ആക്രമണത്തിന് ക്വട്ടേഷൻ ഏറ്റെടുത്തതെന്നാണ് വിവരം. അറസ്റ്റിലായ ഇർഷാദും അസറുദ്ദീനും നേരത്തെ ലഹരിമരുന്ന് കേസിൽ ജയിൽവാസം അനുഭവിച്ചവരാണ്.
സംഭവത്തിൽ കൂടുതൽ അന്വേഷണം പുരോഗമിക്കുകയാണ്.
