അരിയിൽ ഷുക്കൂർ വധക്കേസ്: വിധി ഇന്ന്; പി. ജയരാജൻ ഉൾപ്പെടെ 31 പ്രതികൾ കോടതിയിൽ

കൊച്ചി: ഏറെ രാഷ്ട്രീയ പ്രാധാന്യമുള്ള അരിയിൽ അബ്ദുൽ ഷുക്കൂർ വധക്കേസിൽ കൊച്ചി സി.ബി.ഐ പ്രത്യേക കോടതി ഇന്ന് വിധി പറയും. സി.പി.ഐ.എം നേതാക്കളായ പി. ജയരാജനും ടി.വി. രാജേഷും ഉൾപ്പെടെ 31 പ്രതികളുടെ കേസിലാണ് കോടതി വിധി പ്രഖ്യാപിക്കുന്നത്. ഷുക്കൂർ കൊല്ലപ്പെട്ട് 14 വർഷത്തിന് ശേഷമാണ് വിചാരണക്കോടതിയുടെ വിധി.

2012 ഫെബ്രുവരി 20നാണ് കണ്ണൂർ അരിയിൽ വെച്ച് പതിനെട്ടുകാരനായ മുസ്ലിം ലീഗ് പ്രവർത്തകൻ അബ്ദുൽ ഷുക്കൂർ കൊല്ലപ്പെട്ടത്. സി.പി.ഐ.എം നേതാക്കളായ പി. ജയരാജനും ടി.വി. രാജേഷും സഞ്ചരിച്ച വാഹനത്തിന് നേരെയുണ്ടായ ആക്രമണത്തിന് പിന്നാലെയായിരുന്നു കൊലപാതകം. ആക്രമണത്തിൽ പരിക്കേറ്റ നേതാക്കളെ ആശുപത്രിയിൽ പ്രവേശിപ്പിച്ചതിന് പിന്നാലെ ഷുക്കൂർ ഉൾപ്പെടെയുള്ള ലീഗ് പ്രവർത്തകരെ സി.പി.ഐ.എം പ്രവർത്തകർ തടഞ്ഞുവെക്കുകയും ആക്രമിക്കുകയുമായിരുന്നു. ഗുരുതരമായി പരിക്കേറ്റ ഷുക്കൂർ സംഭവസ്ഥലത്ത് വെച്ചുതന്നെ മരിച്ചു.

2012 മാർച്ച് 22ന് കേരള പൊലീസ് 18 പേരെ പ്രതികളാക്കി ആദ്യ കുറ്റപത്രം സമർപ്പിച്ചു. പിന്നീട് പ്രതികളുടെ എണ്ണം 34 ആയി ഉയർന്നു. 2016 ഏപ്രിൽ നാലിനാണ് സി.ബി.ഐ കേസ് ഏറ്റെടുത്തത്. 2019 ഫെബ്രുവരി 11ന് പി. ജയരാജനെ 32-ാം പ്രതിയായും ടി.വി. രാജേഷിനെ 33-ാം പ്രതിയായും ഉൾപ്പെടുത്തി കൊലപാതക, ഗൂഢാലോചന കുറ്റങ്ങൾ ചുമത്തി സി.ബി.ഐ കുറ്റപത്രം സമർപ്പിച്ചു.

തളിപ്പറമ്പ് സഹകരണ ആശുപത്രിയിലെ 315-ാം നമ്പർ മുറിയിൽ വെച്ചാണ് കൊലപാതക ഗൂഢാലോചന നടന്നതെന്നായിരുന്നു സി.ബി.ഐയുടെ കണ്ടെത്തൽ.

2025 മേയ് അഞ്ചിനാണ് എറണാകുളം സി.ബി.ഐ പ്രത്യേക കോടതിയിൽ വിചാരണ ആരംഭിച്ചത്. ആകെ 33 പ്രതികളുണ്ടായിരുന്ന കേസിൽ രണ്ടുപേർ വിചാരണയ്ക്കിടെ മരിച്ചതോടെ 31 പേരാണ് വിചാരണ നേരിട്ടത്. കെ.വി. സുമേഷ്, ഗണേശൻ പി. എന്നിവരാണ് കേസിലെ ഒന്നും രണ്ടും പ്രതികൾ. സി.എൻ. മോഹനൻ, എം.വി. ഗോവിന്ദന്റെ മകൻ ശ്യാംജിത്ത് എന്നിവരും പ്രതിപ്പട്ടികയിലുണ്ട്.

14 വർഷമായി കേരള രാഷ്ട്രീയത്തിൽ വലിയ ചർച്ചയായ കേസിൽ കോടതി വിധി എന്താകുമെന്ന ആകാംക്ഷയിലാണ് രാഷ്ട്രീയ കേരളം.

Related news

വയോധികനെ ആക്രമിച്ച് മാല കവർന്ന കേസ്; രണ്ടാം പ്രതി പിടിയിൽ

കൊല്ലം: വയോധികനെ ആക്രമിച്ച് മാല കവർന്ന കേസിലെ രണ്ടാം പ്രതി പിടിയിൽ....

തിരുവനന്തപുരം മെഡിക്കൽ കോളേജിൽ ചികിത്സയിലിരുന്ന യുവാവ് ജീവനൊടുക്കി

തിരുവനന്തപുരം: തിരുവനന്തപുരം മെഡിക്കൽ കോളേജിൽ ചികിത്സയിലായിരുന്ന യുവാവിനെ പേവാർഡിൽ മരിച്ച നിലയിൽ...

റേഷൻ കട ജീവനക്കാരനെ കൊലപ്പെടുത്തി മുങ്ങിയ പ്രതി മണിക്കൂറുകൾക്കകം പിടിയിൽ

കൊല്ലം: റേഷൻ കട ജീവനക്കാരനെ കുത്തിക്കൊലപ്പെടുത്തിയ ശേഷം രക്ഷപ്പെട്ട പ്രതി മണിക്കൂറുകൾക്കകം...

സംസ്ഥാനത്ത് സ്വർണവിലയിൽ വൻ ഇടിവ്; പവന് ഒറ്റദിവസം കുറഞ്ഞത് 1,880 രൂപ

സംസ്ഥാനത്ത് സ്വർണവില വീണ്ടും കുത്തനെ കുറഞ്ഞു. ഇന്ന് ഒരു പവൻ സ്വർണത്തിന്...

കാണാതായ എൻജിനീയറിങ് വിദ്യാർഥിയുടെ മൃതദേഹം കടലിൽ കണ്ടെത്തി

ഹരിപ്പാട്: കാണാതായ എൻജിനീയറിങ് വിദ്യാർഥിയുടെ മൃതദേഹം ആറാട്ടുപുഴ അഴീക്കൽ കടലിൽ കണ്ടെത്തി....