വളാഞ്ചേരി: ഓണം പ്രമാണിച്ച് കൺസ്യൂമർഫെഡിന്റെ സഹകരണത്തോടെ വളാഞ്ചേരി സർവീസ് സഹകരണ ബാങ്ക് സംഘടിപ്പിക്കുന്ന ‘ഓണം സഹകരണ വിപണി 2026’ന് തുടക്കമായി. പ്രൊഫസർ ആബിദ് ഹുസൈൻ തങ്ങൾ എംഎൽഎ വിപണിയുടെ ഉദ്ഘാടനം നിർവഹിച്ചു.
ബാങ്ക് പ്രസിഡന്റ് സി. അബ്ദുന്നാസറിന്റെ അധ്യക്ഷതയിൽ നടന്ന ചടങ്ങിൽ നഗരസഭാ മരാമത്ത് സ്ഥിരം സമിതി ചെയർമാൻ അഷറഫ് അമ്പലത്തിങ്ങൽ, ബാങ്ക് വൈസ് പ്രസിഡന്റ് ശ്രീകുമാർ ടി.വി., ഡയറക്ടർമാരായ മുഹമ്മദ് പാറയിൽ, അൻവർ സാദത്ത്, മുംതാസ്, സുബൈദ, ഹാരിസ് എം.പി., ബദരിയ്യ, സെക്രട്ടറി നൗഷാദ് എൻ. എന്നിവർ പങ്കെടുത്തു.
ഓണം പ്രമാണിച്ച് സാധാരണക്കാർക്ക് ആശ്വാസകരമായ രീതിയിൽ ആവശ്യസാധനങ്ങൾ ലഭ്യമാക്കുക എന്ന ലക്ഷ്യത്തോടെയാണ് സഹകരണ വിപണി ഒരുക്കിയിരിക്കുന്നത്.
