സംസ്ഥാനത്ത് സ്വർണവില വീണ്ടും കുത്തനെ കുറഞ്ഞു. ഇന്ന് ഒരു പവൻ സ്വർണത്തിന് 1,880 രൂപയാണ് കുറഞ്ഞത്. ഇതോടെ ഒരു പവൻ സ്വർണത്തിന്റെ വില 95,840 രൂപയായി. ഗ്രാമിന് 235 രൂപ കുറഞ്ഞ് 11,980 രൂപയിലാണ് ഇന്ന് വ്യാപാരം നടക്കുന്നത്.
കഴിഞ്ഞ ആറ് ദിവസത്തിനിടെ മാത്രം പവൻ വിലയിൽ 5,080 രൂപയുടെ ഇടിവാണുണ്ടായത്. നവംബർ അഞ്ചിന് ഒരു പവൻ സ്വർണത്തിന് 1,07,080 രൂപയായിരുന്നു വില. ഇതാണ് ഇപ്പോൾ 95,840 രൂപയായി കുറഞ്ഞത്.
ഡോളർ കരുത്താർജിക്കുന്നതടക്കമുള്ള അന്താരാഷ്ട്ര വിപണിയിലെ ഘടകങ്ങളാണ് സ്വർണവിലയിലെ ഈ മാറ്റത്തിന് പ്രധാന കാരണങ്ങളിലൊന്ന്. ലോകത്തെ ഏറ്റവും വലിയ സ്വർണ ഉപഭോക്താക്കളിലൊന്നായ ഇന്ത്യയിൽ ഓരോ വർഷവും ടൺ കണക്കിന് സ്വർണമാണ് ഇറക്കുമതി ചെയ്യുന്നത്.
അന്താരാഷ്ട്ര വിപണിയിലെ ചലനങ്ങൾ കേരളത്തിലെ സ്വർണവിലയെയും സ്വാധീനിക്കാറുണ്ട്. എന്നാൽ ആഗോള വിപണിയിലെ വിലമാറ്റങ്ങൾ അതേ രീതിയിൽ സംസ്ഥാനത്തെ വിപണിയിലും പ്രതിഫലിക്കണമെന്നില്ല.




