തൃശൂർ: പ്രായപൂർത്തിയാകാത്ത പെൺകുട്ടിയെ വിവാഹ വാഗ്ദാനം നൽകി പീഡിപ്പിച്ച കേസിൽ ഒളിവിൽ കഴിഞ്ഞിരുന്ന പ്രതി അറസ്റ്റിൽ. ചാവക്കാട് അവിയൂർ തെക്കേക്കരയിൽ പണിക്കവീട്ടിൽ ഷഹീർ (41) ആണ് എരുമപ്പെട്ടിയിൽ നിന്ന് ചെറുതുരുത്തി പൊലീസ് പിടികൂടിയത്.
ചെറുതുരുത്തി സി.ഐ ശ്യാംകുമാറിന്റെ നേതൃത്വത്തിലുള്ള സംഘമാണ് പ്രതിയെ അറസ്റ്റ് ചെയ്തത്. ഇയാൾക്കെതിരെ മുമ്പും നിരവധി പീഡനക്കേസുകൾ രജിസ്റ്റർ ചെയ്തിട്ടുണ്ടെന്ന് പൊലീസ് അറിയിച്ചു.
ചെറുതുരുത്തി എസ്.ഐ വിൻസന്റ്, എ.എസ്.ഐമാരായ സതീഷ് കുമാർ, ജമാലുദ്ദീൻ, പൊലീസ് ഉദ്യോഗസ്ഥരായ വിനീത്മോൻ, ഗിരീഷ്, രതീഷ്, ടിജോ വാഴപ്പിള്ളി എന്നിവരടങ്ങിയ സംഘമാണ് പ്രതിയെ പിടികൂടിയത്.
