ചെന്നൈ: ഷോർട്ട് ഫിലിം നിർമ്മിക്കാമെന്ന് വാഗ്ദാനം ചെയ്ത് യുവാവിൽ നിന്ന് അഞ്ച് ലക്ഷം രൂപ തട്ടിയെടുത്തെന്ന കേസിൽ നടി വർഷിണി വെങ്കട്ട് അറസ്റ്റിൽ. ചെന്നൈ പൊലീസാണ് നടിയെ അറസ്റ്റ് ചെയ്തത്.
ഷോർട്ട് ഫിലിം നിർമ്മിക്കാമെന്ന വാഗ്ദാനത്തിൽ യുവാവ് വർഷിണിക്ക് അഞ്ച് ലക്ഷം രൂപ നൽകിയെന്നാണ് പൊലീസ് പറയുന്നത്. എന്നാൽ പിന്നീട് സിനിമയുമായി ബന്ധപ്പെട്ട് യാതൊരു നടപടിയും ഉണ്ടായില്ല. പണം തിരികെ ആവശ്യപ്പെട്ടപ്പോൾ ഭീഷണിപ്പെടുത്തി 50,000 രൂപയും രണ്ട് മൊബൈൽ ഫോണുകളും തട്ടിയെടുത്തതായും പൊലീസ് പറയുന്നു.
വഞ്ചന, കവർച്ച എന്നീ കുറ്റങ്ങൾ ചുമത്തി വർഷിണിക്കും മറ്റ് മൂന്ന് പേർക്കുമെതിരെ പൊലീസ് കേസെടുത്തു. തുടർന്നാണ് വർഷിണിയെ അറസ്റ്റ് ചെയ്തത്.
