അബുദാബി: ചെറിയ പെരുന്നാളിന് യുഎഇയില്‍ ഒമ്പത് ദിവസത്തെ അവധി പ്രഖ്യാപിച്ചു. ഏപ്രില്‍ 30 മുതല്‍ മെയ് എട്ട് വരെ അവധിയായിരിക്കുമെന്ന് യുഎഇ മാനവവിഭവശേഷി വകുപ്പ് അറിയിച്ചു. ചെറിയ പെരുന്നാളിന് സര്‍ക്കാര്‍ ജീവനക്കാര്‍ക്ക് ഏപ്രില്‍ 30 മുതല്‍ മെയ് ആറ് വരെ അവധി നല്‍കുന്നതിന് യുഎഇ ക്യാബിനറ്റ് നേരത്തെ അം?ഗീകാരം നല്‍കിയിരുന്നു. സര്‍ക്കാര്‍ ജീവനക്കാര്‍ക്ക് വാരാന്ത്യ അവധിക്ക് ശേഷം മെയ് 9നാണ് പ്രവൃത്തി ദിവസം തുടങ്ങുക. റമദാന്‍ 29 മുതല്‍ ശവ്വാല്‍ മൂന്ന് വരെ എല്ലാ സ്വകാര്യ മേഖലാ ജീവനക്കാര്‍ക്കും ശമ്പളത്തോട് കൂടിയ അവധിയാണ് ഉണ്ടായിരിക്കുകയെന്ന് മാനവവിഭവ ശേഷി സ്വദേശി മന്ത്രാലയം വ്യക്തമാക്കിയിരുന്നു.
