മലപ്പുറം: വെണ്ടേക്കുംപൊട്ടിയില് കാട്ടിറച്ചിയുമായി രണ്ട് പേര് പിടിയില്. വെണ്ടേക്കുംപൊട്ടി സ്വദേശി ജോണ്സണ് എന്നയാളുടെ വീട്ടില് നിന്നാണ് 12.5 കിലോയിലധികം ഭാരം വരുന്ന മാംസം കണ്ടെത്തിയത്. ഇയാളും മക്കളും സ്ഥിരം നായാട്ടുകാരാണെന്നാണ് വനം വകുപ്പിന്റെ നിലമ്പൂര് ഫ്ളയിങ് സ്ക്വാഡിന് വിവരം ലഭിച്ചിരുന്നു. നിലമ്പൂര് ഫ്ളയിങ് സ്ക്വാഡിന് ലഭിച്ച രഹസ്യ വിവരത്തിന്റെ അടിസ്ഥാനത്തില് നടത്തിയ പരിശോധനയിലാണ് മാംസം പിടിച്ചെടുത്തത്.
പാകം ചെയ്തതും അല്ലാത്തതുമായ വന്യമൃഗങ്ങളുടെ മാംസമാണ് പിടിച്ചെടുത്തത്. കത്തികളും സെര്ച്ച് ലൈറ്റുകളും ഒരു നാടന് തോക്കും വീട്ടില് നിന്ന് കണ്ടെടുത്തു. ജോണ്സണെയും മൂത്ത മകന് ജിബി ജോണിനെയും ഫ്ളയിങ് സ്ക്വാഡ് കസ്റ്റഡിയിലെടുത്തു. മറ്റൊരു മകനായ സിജോ ജോണിനു വേണ്ടിയിട്ടുള്ള അന്വേഷണം ഊര്ജിതമാണ്. കേസ് തുടരന്വേഷണത്തിനായി വഴിക്കടവ് റെയ്ഞ്ചിന് കൈമാറും.
