കണ്ടുകൊണ്ടിരിക്കുന്നവരുടെ ഉള്ളിലേക്ക് മൂര്‍ച്ചയേറിയ ആയുധംപോലെ തുളഞ്ഞുകയറുന്ന ചില ചിത്രങ്ങളുണ്ട്. പറയുന്ന വിഷയംകൊണ്ടും അവതരണരീതികൊണ്ടും ഭാഷാഭേദമില്ലാതെ ഏവര്‍ക്കും ആസ്വദിക്കാവുന്നവയായിരിക്കും അത്തരം ചിത്രങ്ങള്‍. പ്രേക്ഷകനെ ദിവസങ്ങളോളം മാനസികമായി വേട്ടയാടുകയും ചെയ്യുന്നവയും ഇക്കൂട്ടത്തിലുണ്ടാവും. അങ്ങനെയൊരു ചിത്രമാണ് തോമസ് നായകനായെത്തിയ നരിവേട്ട. നമ്മുടെ ഇമോഷനുകളെ കലര്‍പ്പില്ലാതെ സിനിമ ആവിഷ്‌ക്കരിച്ചു എന്നത് തന്നെയാണ് സിനിമയുടെ ഏറ്റവും വലിയ വിജയം. വീണ്ടും വീണ്ടും തിയേറ്ററിലേക്ക് ആളുകളെ എത്തിക്കുന്ന സിനിമ മാജിക് ആവോളം ചേര്‍ന്നിട്ടുണ്ട് ഈ സിനിമയിലേക്ക് ഉറപ്പിച്ച് പറയാം
അനുരാജ് മനോഹര്‍ സംവിധാനം ചെയ്ത ചിത്രം ഒരു പൊളിറ്റിക്കല്‍ സോഷ്യോ ത്രില്ലര്‍ തന്നെയാണ്. ശക്തമായ മനുഷ്യ രാഷ്ട്രീയം സംസാരിക്കുന്ന സിനിമയെ ആസ്വാദക ഹൃദയത്തില്‍ പതിപ്പിക്കുന്നത് അനുരാജിന്റെ സംവിധാന മികവ് കൊണ്ടുകൂടിയാണ്. തന്റെ കരിയറിലെ ഏറ്റവും ബെസ്റ്റ് കഥാപാത്രത്തെ ഈ സിനിമ ടോവിനോയ്ക്ക് സമ്മാനിച്ചിട്ടുണ്ട്. സിനിമയുടെ പ്രസ് മീറ്റിനിടയില്‍ ടോവിനോ പറഞ്ഞ വാരി ‘ഹൃദയം കൊണ്ട് പൂര്‍ത്തിയാക്കിയ സിനിമയാണ് നരിവേട്ട എന്നായിരുന്നു’…ഹൃദയം കൊണ്ട് പൂര്‍ത്തിയാക്കിയ സിനിമ പ്രേക്ഷകള്‍ ഹൃദയം കൊണ്ട് സ്വീകരിക്കുന്നു എന്നതില്‍ ചിത്രത്തിന്റെ പിന്നണി പ്രവര്‍ത്തകര്‍ക്ക് അഭിമാനിക്കാം
എല്ലാക്കാലവും മാറ്റിനിര്‍ത്തലിന് വിധേയമായ മനുഷ്യരായ ആദിവാസി ജനവിഭാഗത്തിന്റെ പോരാട്ടത്തിന്റെ കഥ പറയുമ്പോള്‍ ഛായാഗ്രഹണം കഥപറച്ചിലില്‍ സുപ്രധാനമായ ഭാഗം നിര്‍വഹിക്കേണ്ടതുണ്ട്. വിജയ് അക്കാര്യത്തില്‍ പൂര്‍ണമായും വിജയിച്ചു എന്ന് തന്നെ പറയാം. സംഗീതത്തിന് പിന്നിലെ ജേക്‌സ് ബിജോയ് മാജിക് പ്രേക്ഷകനെ തിയേറ്റര്‍ വിട്ടിറങ്ങുമ്പോഴും പിന്തുടരുന്നുമുണ്ട്. ഉറപ്പായും തിയേറ്ററില്‍ നഷ്ടമക്കാതിരിക്കേണ്ട കാഴ്ചാനുഭവമാണ് നരിവേട്ട. സിനിമ പോരാട്ടത്തിന്റെ പ്രതികരണത്തിന്റെ നിമിഷങ്ങല്‍ നിങ്ങളിളും അനുഭവങ്ങളും നിങ്ങളില്‍ നിറയ്ക്കുമെന്ന് ഉറപ്പാണ്.
