ആലപ്പുഴ: വിവാഹ വാഗ്ദാനം നല്കി യുവതിയെ പീഡിപ്പിച്ച കേസില് ഡോക്ടറെ നോര്ത്ത് പൊലീസ് തമിഴ്നാട്ടില് നിന്ന് അറസ്റ്റ് ചെയ്തു. ഒരുവര്ഷത്തോളമായി തിരുവനന്തപുരം സ്വദേശിനിയായ യുവതിയെ പീഡിപ്പിച്ചുവരികയായിരുന്ന തമിഴ്നാട് മധുര സ്വദേശി കേശവ് രമണനെയാണ് (28) പ്രത്യേക അന്വേഷണ സംഘം അറസ്റ്റ് ചെയ്തത്. ഒരുമിച്ച് ആലപ്പുഴയിലെ സ്വകാര്യ സ്ഥാപനത്തില് ജോലി ചെയ്തിരുന്ന കാലത്താണ് കേസിന് ആസ്പദമായ സംഭവം.
മറ്റൊരു പെണ്കുട്ടിയുമായി വിവാഹം ഉറപ്പിച്ചിരുന്ന വിവരം മറച്ചുവച്ച് വിവാഹ വാഗ്ദാനം നല്കി പീഡിപ്പിക്കുകയായിരുന്നു. തുടര്ന്ന് യുവതി വിവാഹ ആവശ്യം ഉന്നയിച്ചതോടെയാണ് വിവാഹം ഉറപ്പിച്ച വിവരം അറിയിച്ചത്. തുടര്ന്ന് ജോലി ഉപേക്ഷിച്ച് തമിഴ്നാട്ടിലെ വിവിധ സ്ഥലങ്ങളിലായി ഒളിവില് കഴിഞ്ഞിരുന്ന പ്രതിയെ നോര്ത്ത് സി. ഐ സജികുമാറിന്റെ നേതൃത്വത്തില് എസ് ഐ ദേവിക, സുഭാഷ്, വിനു, ലവന്, സുജിത് എന്നിവര് അടങ്ങുന്ന അന്വേഷണ സംഘമാണ് അറസ്റ്റ് ചെയ്തത്.
