എംഎല്‍എ വികസന ഫണ്ടിലെ പ്രവൃത്തികളുടെ ബില്ലുകള്‍ മാറി നല്‍കാനായി 133 കോടി രൂപ അനുവദിച്ചതായി ധനകാര്യ മന്ത്രി കെ എന്‍ ബാലഗോപാല്‍ അറിയിച്ചു. എംഎല്‍എ ആസ്തി വികസന ഫണ്ടില്‍(എംഎല്‍എഎഡിഎഫ്)നിന്ന് 98 കോടി രൂപയും, എംഎല്‍എ പ്രത്യേക വികസന ഫണ്ടില്‍(എംഎല്‍എഎസ്ഡിഎഫ്)നിന്ന് 35 കോടി രൂപയുമാണ് അനുവദിച്ചത്. തുക പൂര്‍ത്തിയാക്കിയ പ്രവൃത്തികളുടെ ബില്ലുകള്‍ മാറി നല്‍കാന്‍ വിനിയോഗിക്കുമെന്നും ധനമന്ത്രി അറിയിച്ചു.
അതേസമയം സാമൂഹ്യസുരക്ഷ, ക്ഷേമനിധി പെന്‍ഷന്‍ ഗുണഭോക്താക്കള്‍ക്ക് ഈ മാസത്തെ പെന്‍ഷന്‍ അനുവദിച്ചു. 1600 രൂപവീതം 62 ലക്ഷത്തോളം പേര്‍ക്കാണ് ലഭിക്കുന്നത്. പെന്‍ഷന്‍കാരുടെ കൈകളില്‍ ഈ ആഴ്ചയില്‍തന്നെ തുക എത്തുമെന്ന് ധനകാര്യമന്ത്രി കെ.എന്‍.ബാലഗോപാല്‍ അറിയിച്ചു.
