ഡല്‍ഹി: ഡല്‍ഹിയില്‍ വായു മലിനീകരണ തോത് മൂന്നൂറ് കടന്നു. നിയന്ത്രണങ്ങള്‍ കടുപ്പിച്ചു. ഈ തോത് വരും ദിവസങ്ങളിലും തുടരുമെന്നാണ് മുന്നറിയിപ്പ്. ഗ്രേഡഡ് റെസ്‌പോണ്‍സ് ആക്ഷന്‍ പ്ലാന്‍ ഗ്രേഡ് 2, ഇന്ന് രാവിലെ 8 മണി മുതല്‍ നടപ്പാക്കി തുടങ്ങി.
സ്വകാര്യ വാഹനങ്ങളുടെ ഉപയോഗം കുറയ്ക്കാന്‍ നിര്‍ദേശമുണ്ട്. കര്‍ശന പരിശോധനകളും, നടപടികളും മലിനീകരണം കുറയ്ക്കാന്‍ ഉണ്ടാകും. പൊടി കുറയ്ക്കാന്‍ നിര്‍മ്മാണ പ്രവര്‍ത്തികള്‍ക്കും നിയന്ത്രണം ഏര്‍പ്പെടുത്തി. വാഹനങ്ങളുടെ പാര്‍ക്കിംഗ് ഫീസ് കൂട്ടും. നഗരത്തില്‍ ഗതാഗത തടസം കുറയ്ക്കാന്‍ കൂടുതല്‍ ഉദ്യോഗസ്ഥരെ നിയോഗിക്കും. എന്‍സിആര്‍ മേഖലയിലാകെ നിയന്ത്രണങ്ങള്‍ ബാധകമാക്കി. യമുനയിലെ വിഷപ്പത തീരത്തു താമസിക്കുന്നവര്‍ക്ക് കടുത്ത ആശങ്കയാകുകയാണ്. ശൈത്യകാലം തുടങ്ങുമ്പോള്‍ എല്ലാ വര്‍ഷത്തെയും പോലെ ഇത്തവണയും ഡല്‍ഹിയില്‍ മലിനീകരണം രൂക്ഷമാണ്. ഇതിന്റെ തെളിവാകുകയാണ് വിഷപ്പതയൊഴുകുന്ന യമുനാനദി. ഇന്നലെ രാവിലെ മുതലാണ് കാളിന്ദി കുഞ്ച് പ്രദേശത്ത് വിഷപ്പത കണ്ടുതുടങ്ങിയത്.
