ന്യൂഡല്‍ഹി: നാഷണല്‍ ഹെറാള്‍ഡ് കേസില്‍ കോണ്‍ഗ്രസ് നേതാവ് രാഹുല്‍ഗാന്ധിയെ എന്‍ഫോഴ്‌സ്‌മെന്റ് ഡയറക്ട്രേറ്റ് ചോദ്യം ചെയ്യുന്നതുമായി ബന്ധപ്പെട്ട് ഡല്‍ഹിയില്‍ സംഘര്‍ഷാവസ്ഥ. പ്രതിഷേധവുമായെത്തിയ മുതിര്‍ന്ന കോണ്‍ഗ്രസ് നേതാക്കളേയും പ്രവര്‍ത്തകരേയും പൊലീസ് അറസ്റ്റ് ചെയ്തു നീക്കി. എഐസിസി ജനറല്‍ സെക്രട്ടറി കെ സി വേണുഗാപാല്‍, രണ്‍ദീപ് സിംഗ് സുര്‍ജ്ജെവാലെ, ഷമ മുഹമ്മദ് തുടങ്ങിയ നേതാക്കളെ അറസ്റ്റ് ചെയ്തു. പൊലീസുകാരുമായി സംസാരിക്കുന്നതിനിടെയാണ് കെ സി വേണുഗോപാലിനെ അറസ്റ്റ് ചെയ്തത്. വാഹനത്തില്‍ കയറിയ ഉടന്‍ കെ സി വേണുഗോപാല്‍ ബസില്‍ കുഴഞ്ഞുവീണതായും റിപ്പോര്‍ട്ടുകള്‍ ഉണ്ട്.
