കണ്ണൂര്‍.പോളിറ്റ് ബ്യൂറോയില്‍ ആദ്യമായി ദളിത് സാന്നിധ്യം . ബംഗാളില്‍ നിന്നുള്ള ഡോ. രാമചന്ദ്ര ഡോം ആണ് പിബിയില്‍ എത്തിയ ആദ്യ ദളിത് അംഗം. 1989 മുതല്‍ ബംഗാളിലെ ബിര്‍ഭൂം മണ്ഡലത്തില്‍ നിന്ന് ഏഴ് തവണ ലോക്സഭാംഗമായി തെരഞ്ഞെടുക്കപ്പെട്ട നേതാവാണ് രാമചന്ദ്ര ഡോം. പിബിയില്‍ ദളിത് അംഗം ഇതുവരെ ഇടം നേടിയിട്ടില്ലെന്നത് രാഷ്ട്രീയ എതിരാളികളുടെ സ്ഥിരം വിമര്‍ശനമായിരുന്നു. ഇത്തവണ രാമചന്ദ്ര ഡോമിലൂടെ അതിന് മറുപടി നല്‍കുകയായിരുന്നു നേതൃത്വം.
അതേസമയം മൂന്നാം തവണയും സിപിഐഎം ജനറല്‍ സെക്രട്ടറിയായി സീതാറാം യെച്ചൂരിയെ തെരഞ്ഞെടുത്തു. പുതുതായി തെരഞ്ഞെടുത്ത കേന്ദ്ര കമ്മിറ്റി അംഗങ്ങളുടെ യോഗത്തിലാണ് ഇത് സംബന്ധിച്ച തീരുമാനം കൈക്കൊണ്ടത്.
