സംസ്ഥാനത്ത് എസ്എസ്എല്‍സി പരീക്ഷയ്ക്ക് ഇന്ന് തുടക്കം. 4,26,999 വിദ്യാര്‍ഥികള്‍ റെഗുലര്‍ ആയും 408 വിദ്യാര്‍ഥികള്‍ പ്രൈവറ്റായും പരീക്ഷ എഴുതുന്നുണ്ട്. 2962 കേന്ദ്രങ്ങളിലായാണ് ഇത്രയധികം വിദ്യാര്‍ഥികള്‍ പരീക്ഷ എഴുതുന്നത്.
ഇന്ന് രാവിലെ 9.45 മുതല്‍ 11.30 വരെ മലയാളം ഉള്‍പ്പെടെ ഒന്നാം ഭാഷകളുടെ ഒന്നാം ഭാഗത്തിന്റെ പരീക്ഷയാണ്.ഏപ്രില്‍ ആറിന് ഇംഗ്ലിഷ് പരീക്ഷ നടക്കും. ഹയര്‍ സെക്കന്‍ഡറി – വൊക്കേഷനല്‍ ഹയര്‍ സെക്കന്‍ഡറി രണ്ടാം വര്‍ഷ പരീക്ഷകള്‍ ഇന്നലെ ആരംഭിച്ചു. 907 കേന്ദ്രങ്ങളിലായി 70,440 പേര് എഴുതി. അടുത്ത പരീക്ഷ നാളെയാണ്.
ഗള്‍ഫ് മേഖലയില്‍ 9 കേന്ദ്രങ്ങളിലായി 574 വിദ്യാര്‍ഥികളും ലക്ഷദ്വീപില്‍ ഇത്രയും കേന്ദ്രങ്ങളിലായി 882 വിദ്യാര്‍ഥികളും ഇന്ന് പരീക്ഷ എഴുതും. ഏപ്രില്‍ 29നാണ് പരീക്ഷ അവസാനിക്കും. മെയ് 3 മുതല്‍ പ്രാക്ടിക്കല്‍ പരീക്ഷയും തുടങ്ങുന്നുണ്ട്.
