നവീൻ ബാബു കേസ് സിബിഐക്ക് വിടുന്നതിൽ സർക്കാർ പിന്നോട്ട്? പുതിയ എസ്ഐടിക്ക് ആലോചന

തിരുവനന്തപുരം: കണ്ണൂർ മുൻ എഡിഎം കെ. നവീൻ ബാബുവിന്റെ മരണത്തിൽ അന്വേഷണം സിബിഐക്ക് വിടുന്നതിൽ അനിശ്ചിതത്വം തുടരുന്നു. സിബിഐ അന്വേഷണത്തിന് നിയമപരമായ തടസ്സങ്ങളുണ്ടെന്നാണ് ഡിജിപിയും അഡ്വക്കേറ്റ് ജനറലും സർക്കാരിന് നൽകിയ നിയമോപദേശം. പകരം പുതിയ പ്രത്യേക അന്വേഷണ സംഘത്തെ നിയോഗിക്കുന്നതാണ് ഉചിതമെന്നും നിയമോപദേശത്തിൽ വ്യക്തമാക്കുന്നു.

കഴിഞ്ഞ ജൂൺ നാലിന് ചേർന്ന മന്ത്രിസഭാ യോഗത്തിലാണ് നവീൻ ബാബുവിന്റെ മരണവുമായി ബന്ധപ്പെട്ട അന്വേഷണം സിബിഐക്ക് കൈമാറാൻ സർക്കാർ തീരുമാനിച്ചത്. എന്നാൽ തീരുമാനം നടപ്പാക്കുന്നതിനുള്ള നടപടികൾ വേഗത്തിലാക്കുന്നതിൽ നിന്ന് സർക്കാർ പിന്നോട്ടുപോകുന്നതായാണ് സൂചന.

നിലവിൽ കണ്ണൂർ ജുഡീഷ്യൽ ഫസ്റ്റ് ക്ലാസ് മജിസ്ട്രേറ്റ് കോടതിയിൽ കുറ്റപത്രം സമർപ്പിച്ച കേസിന്റെ വിചാരണ നിർത്തിവയ്ക്കണമെന്ന് പ്രോസിക്യൂഷൻ ഇതുവരെ ആവശ്യപ്പെട്ടിട്ടില്ല. സിബിഐ അന്വേഷണം തിരിച്ചടിയാകുമെന്ന നിയമോപദേശമാണ് സർക്കാർ നിലപാടിൽ മാറ്റത്തിന് കാരണമെന്നാണ് വിലയിരുത്തൽ.

സിബിഐ അന്വേഷണം പി.പി. ദിവ്യയ്ക്ക് അനുകൂലമാകുമോ?

സർക്കാരിന് ലഭിച്ച നിയമോപദേശത്തിൽ പ്രധാനമായും രണ്ട് കാര്യങ്ങളാണ് ചൂണ്ടിക്കാട്ടുന്നത്. നവീൻ ബാബുവിന്റെ കുടുംബം ആരോപിക്കുന്നതുപോലെ കൊലപാതകമോ അതുമായി ബന്ധപ്പെട്ട ഗൂഢാലോചനയോ സിബിഐ അന്വേഷണത്തിൽ തെളിയിക്കാനായില്ലെങ്കിൽ നിലവിലെ കേസ് ദുർബലമാകാനുള്ള സാധ്യതയുണ്ടെന്നാണ് ഒന്നാമത്തെ വിലയിരുത്തൽ.

പി.പി. ദിവ്യയ്ക്കെതിരെ ആത്മഹത്യാ പ്രേരണക്കുറ്റം നിലനിൽക്കാൻ ആവശ്യമായ ശക്തമായ തെളിവുകളും സാഹചര്യങ്ങളുമുണ്ടെന്നും നിയമോപദേശത്തിൽ പറയുന്നു. ഈ സാഹചര്യങ്ങൾ പരിഗണിക്കാതെ സിബിഐ അന്വേഷണത്തിലേക്ക് പോയാൽ പി.പി. ദിവ്യയ്ക്ക് അനുകൂലമായ സാഹചര്യം ഒരുങ്ങാമെന്നാണ് ഡയറക്ടർ ജനറൽ ഓഫ് പ്രോസിക്യൂഷൻ അഡ്വ. ടി. അസഫലിയുടെ നിയമോപദേശത്തിലെ മുന്നറിയിപ്പ്.

ഇതോടെയാണ് സിബിഐ അന്വേഷണത്തിന് വിടണമെന്ന മുൻ തീരുമാനത്തിൽ നിന്ന് സർക്കാർ പിന്നോട്ടുപോകുന്നത്. പകരം പുതിയ പ്രത്യേക അന്വേഷണ സംഘത്തെ നിയോഗിക്കുന്ന കാര്യവും സർക്കാർ പരിഗണിക്കുന്നുണ്ട്.

നവീൻ ബാബുവിന്റെ കുടുംബത്തിന്റെ നീതിക്കായുള്ള ആവശ്യം, നിലവിലെ കേസിന്റെ വിചാരണ, പുതിയ അന്വേഷണ സാധ്യതകൾ എന്നിവയ്ക്കിടയിൽ സർക്കാർ സ്വീകരിക്കുന്ന അന്തിമ നിലപാട് നിർണായകമാകും.

Related news

11 കിലോ കഞ്ചാവുമായി അഞ്ചുപേർ പിടിയിൽ; പ്രതികളിലൊരാൾ യൂത്ത് കോൺഗ്രസ് പ്രവർത്തകൻ

ആലപ്പുഴ: പൂച്ചാക്കലിൽ 11 കിലോ കഞ്ചാവുമായി അഞ്ചുപേർ അറസ്റ്റിൽ. പ്രതികളിലൊരാളായ പൂച്ചാക്കൽ...

അനുമതിയില്ലാതെ വിദേശയാത്ര; കെ.എം. ഷാജിക്കെതിരെ മുഖ്യമന്ത്രിക്ക് പരാതി, മന്ത്രിസഭയിൽ നിന്ന് പുറത്താക്കണമെന്ന് ആവശ്യം

തിരുവനന്തപുരം: അനുമതിയില്ലാതെ വിദേശയാത്ര നടത്തിയെന്ന ആരോപണത്തിൽ തദ്ദേശവകുപ്പ് മന്ത്രി കെ.എം. ഷാജിക്കെതിരെ...

ഇഎംഎസ് നമ്പൂതിരിപ്പാടിന്റെ മകൾ ഇ.എം. രാധ അന്തരിച്ചു

തിരുവനന്തപുരം: കേരളത്തിന്റെ ആദ്യ മുഖ്യമന്ത്രി ഇഎംഎസ് നമ്പൂതിരിപ്പാടിന്റെ മകൾ ഇ.എം. രാധ...

മന്ത്രിയുടെ പരിപാടിക്കിടെ വൈദ്യുതി മുടങ്ങി; സബ് എഞ്ചിനീയറുടെ സസ്പെൻഷനിൽ കെഎസ്ഇബിയിൽ പ്രതിഷേധം

കണ്ണൂർ: വൈദ്യുതി മന്ത്രി സണ്ണി ജോസഫ് പങ്കെടുത്ത പരിപാടിക്കിടെ വൈദ്യുതി മുടങ്ങിയതിനെ...

ആയിരങ്ങളുടെ പങ്കാളിത്തം; കാരന്തൂർ ക്ഷേത്രത്തിൽ വീണ്ടും വിവാഹ രജിസ്ട്രേഷൻ ക്യാമ്പ്

കോഴിക്കോട്: വൻ ജനപങ്കാളിത്തം കൊണ്ട് ശ്രദ്ധേയമായ കോഴിക്കോട് കാരന്തൂരിലെ ഹരഹര മഹാദേവ...