കൊടുവള്ളി: കോഴിക്കോട് കൊടുവള്ളിയിൽ ഏഴുവയസ്സുകാരനെ പിതാവിന്റെ വീട്ടുകാർ ക്രൂരമായി മർദിച്ച് പരിക്കേൽപ്പിച്ചെന്ന് പരാതി. കുട്ടിയുടെ അമ്മ നേരത്തെ മരിച്ചിരുന്നു. സംഭവത്തെക്കുറിച്ച് ചൈൽഡ് ലൈൻ കൊടുവള്ളി പൊലീസിനെ വിവരം അറിയിക്കുകയായിരുന്നു. തുടർന്ന് പൊലീസ് കുട്ടിയുടെ മൊഴി രേഖപ്പെടുത്തി. എന്നാൽ മൊഴിയെടുക്കുമ്പോൾ കുട്ടി പരാതിയില്ലെന്ന് അറിയിച്ചതിനാൽ നിലവിൽ കേസ് രജിസ്റ്റർ ചെയ്തിട്ടില്ലെന്നാണ് പൊലീസ് വിശദീകരണം. സംഭവത്തിൽ തുടർനടപടികൾ സംബന്ധിച്ച് പൊലീസ് പരിശോധിച്ചുവരികയാണ്.
