മലപ്പുറം: ജില്ലയില്‍ വ്യാഴാഴ്ച 78,219 വിദ്യാര്‍ഥികള്‍ എസ്എസ്എല്‍സി പരീക്ഷയെഴുതി . 297 കേന്ദ്രങ്ങളിലായാണ് പരീക്ഷ നടക്കുന്നത്.തിരൂര്‍ ഉപജില്ലയില്‍ 70 പരീക്ഷാകേന്ദ്രങ്ങളിലായി 15,666 വിദ്യാര്‍ഥികളും മലപ്പുറം വിദ്യാഭ്യാസ ഉപജില്ലയില്‍ 103 കേന്ദ്രങ്ങളിലായി 27,485 കുട്ടികളും ഇത്തവണ എസ്എസ്എല്‍സി പരീക്ഷ എഴുതുന്നുണ്ട്. വണ്ടൂര്‍ ഉപജില്ലയില്‍ 15,813 വിദ്യാര്‍ഥികളാണ് പരീക്ഷ എഴുതുന്നത്. ഇതിനായി 61 പരീക്ഷാ കേന്ദ്രങ്ങളാണ് സജ്ജീകരിച്ചിരിക്കുന്നത്. തിരൂരങ്ങാടി ഉപജില്ലയില്‍ 64 പരീക്ഷാ കേന്ദ്രങ്ങളാണ് ഒരുക്കിയിരിക്കുന്നത്. ഇവിടങ്ങളിലായി 19,255 വിദ്യാര്‍ഥികളും പരീക്ഷ എഴുതുന്നുണ്ട്. രാവിലെ 9.30 മുതല്‍ 12.30 വരെ വരെയാണ് പരീക്ഷാ സമയം. 15 മിനുട്ട് കൂളിങ് ടൈം അനുവദിക്കും. സംസ്ഥാനത്ത് ഏറ്റവും കൂടുതല്‍ വിദ്യാര്‍ഥികള്‍ പരീക്ഷ എഴുതുന്നത് ജില്ലയിലാണ്.
