തൃശുര്‍ പീച്ചി ഡാമിന്റെ റിസര്‍വോയറില്‍ വഞ്ചി മറിഞ്ഞ് കാണാതായ മൂന്നുപേരില്‍ 2 പേരുടെ മൃതദേഹം കിട്ടി. തെക്കേ പുത്തന്‍പരയില്‍ അജിത്ത്(20), കൊത്തിശ്ശേരി കുടിയില്‍ ബിബിന്‍(26), എന്നിവരുടെ മൃതദേഹങ്ങളാണ് ഫയര്‍ഫോഴസ് മുങ്ങിയെടുത്തത്. പ്രധാനി വീട്ടില്‍ സിറാജിനായുള്ള തെരച്ചില്‍ തുടരുകയാണ്.
നാലുപേരുമായി പോയ വഞ്ചിയാണ് മറിഞ്ഞത്. ഇവക്കൊപ്പമുണ്ടായിരുന്ന ശിവപ്രസാദ് നീന്തി രക്ഷപ്പെട്ടു. ഇന്നലെ വൈകിട്ട് നാലോടെയാണ് അപകടം. വാണിയമ്പാറ കൊള്ളിക്കാട് സ്വദേശികളാണ് മരിച്ചത്.
