വയനാട്: വയനാട് ലോക്സഭാ ഉപതിരഞ്ഞെടുപ്പില് മത്സരിക്കുന്ന എഐസിസി ജനറല് സെക്രട്ടറി പ്രിയങ്കയ്ക്കായി പ്രചാരണത്തിനിറങ്ങാന് സോണിയ ഗാന്ധിയും.സോണിയയുടെ സന്ദര്ശന തീയതി തയ്യാറാക്കി വരുന്നതായി കോണ്ഗ്രസ് നേതൃത്വം അറിയിച്ചു. ഈ മാസം 23നാണ് പ്രിയങ്ക നാമനിര്ദേശ പത്രിക സമര്പ്പിക്കാനായി വയനാട്ടില് എത്തുക. ഒപ്പം ലോക്സഭ പ്രതിപക്ഷ നേതാവും വയനാട് മുന് എംപിയുമായ രാഹുല് ഗാന്ധിയും ഉണ്ടാകും. ഇരുവരും റോഡ്ഷോയില് പങ്കെടുത്ത ശേഷമാവും വയനാട് ജില്ലാ കളക്ടര്ക്ക് പത്രിക സമര്പ്പിക്കുക. തുടര്ന്ന് പ്രിയങ്ക വിവിധ നിയോജകമണ്ഡലങ്ങളില് പ്രചാരണം നടത്തു
പ്രതിപക്ഷ നേതാവ് വിഡി സതീശനും, കെപിസിസി പ്രസിഡന്റ് കെ സുധാകരനുമാണ് വയനാട്ടില് യുഡിഎഫ് മണ്ഡലം കണ്വെന്ഷനുകളുടെ ഭാഗമാകുന്നത്. ആര്എസ്എസിനെ എതിര്ക്കാനാണ് പ്രിയങ്കാ ഗാന്ധിയെ പാര്ലമെന്റിലേക്ക് അയക്കുന്നതെന്നും, 5 ലക്ഷത്തില് അധികം ഭൂരിപക്ഷം നേടുമെന്നും ടി സിദ്ദിഖ് എംഎല്എ പറഞ്ഞിരുന്നു.
നവ്യ ഹരിദാസിനെ എന്ഡിഎ സ്ഥാനാര്ത്ഥിയായി പ്രഖ്യാപിച്ചതോടെ വയനാട്ടില് തെരഞ്ഞെടുപ്പ് കളം ഉണര്ന്നു. എല്ഡിഎഫ് സ്ഥാനാര്ത്ഥി സത്യന് മൊകേരി പ്രചാരണ പ്രവര്ത്തനങ്ങള് തുടങ്ങി. സത്യന് മൊകേരി നിലമ്പൂര് മണ്ഡലത്തിലാണ് ഇന്ന് വോട്ടര്മാരെ കാണുന്നത്. വയനാട്ടില് ഇക്കുറി ചരിത്രം മാറുമെന്നാണ് എല്ഡിഎഫിന്റെ ആത്മവിശ്വാസം. ബിജെപിയുടെ നവ്യ ഹരിദാസും നാളെ വയനാട്ടിലെത്തും. യുഡിഎഫിന്റെ കുത്തക മണ്ഡലമെന്ന് അടിവരയിടുന്ന വയനാട്ടില് വോട്ടുവിഹിതം വര്ദ്ധിപ്പിക്കാനാവുമെന്ന ആത്മവിശ്വാസവും നവ്യ പങ്കുവെച്ചു.