ധനസഹായം വാഗ്ദാനം ചെയ്ത് തട്ടിപ്പ്; കോഴിക്കോട് വയോധികയുടെ മുക്കാൽ പവന്റെ കമ്മൽ കവർന്നു

കോഴിക്കോട് മുക്കം ബസ് സ്റ്റാൻഡിൽ വയോധികയെ കബളിപ്പിച്ച് മുക്കാൽ പവന്റെ സ്വർണക്കമ്മൽ തട്ടിയെടുത്തു. കാരശ്ശേരി കറുത്തപറമ്പ് സ്വദേശിനി വലിയപറമ്പിൽ ഫാത്തിമ (62) ആണ് തട്ടിപ്പിനിരയായത്. സംഭവത്തിൽ പൊലീസ് അന്വേഷണം ഊർജിതമാക്കി.

രണ്ട് ദിവസം മുൻപായിരുന്നു സംഭവം. താമരശ്ശേരി ഭാഗത്തുനിന്ന് ബസിലെത്തി മുക്കം സ്റ്റാൻഡിൽ ഇറങ്ങിയ ഫാത്തിമയെ ‘ഉമ്മാ’ എന്ന് വിളിച്ചാണ് തട്ടിപ്പുകാരൻ സമീപിച്ചത്. തന്നെ മനസ്സിലായോ എന്ന് ചോദിച്ച് സംസാരിച്ച ഇയാൾ, മകന്റെ സുഹൃത്താണെന്നും കുടുംബത്തെക്കുറിച്ച് അറിയാമെന്നും പറഞ്ഞ് വയോധികയുടെ വിശ്വാസം നേടിയെടുത്തു.

തുടർന്ന് പാവപ്പെട്ടവർക്ക് അഞ്ച് മുതൽ പത്ത് ലക്ഷം രൂപ വരെ ധനസഹായം ലഭിക്കുന്ന പദ്ധതിയുണ്ടെന്നും താനാണ് അതിന്റെ ഏജന്റെന്നും ഇയാൾ വിശ്വസിപ്പിച്ചു. മുൻകൂറായി പണം നൽകേണ്ടതില്ലെന്നും നടപടിക്രമങ്ങൾക്കായി 20,800 രൂപ ആവശ്യമുണ്ടെന്നും പറഞ്ഞു.

പിന്നീട് ഫാത്തിമയുടെ കൈയിൽനിന്ന് മൊബൈൽ ഫോൺ വാങ്ങിയ ഇയാൾ മകനോട് സംസാരിക്കുന്നതുപോലെ അഭിനയിച്ചു. പണത്തിന് പകരം കൈവശമുള്ള സ്വർണം നൽകാനാണ് മകൻ പറഞ്ഞിരിക്കുന്നതെന്ന് വിശ്വസിപ്പിച്ചതോടെ ഫാത്തിമ തന്റെ മുക്കാൽ പവന്റെ കമ്മൽ ഊരി നൽകുകയായിരുന്നു.

നാളെ വിളിക്കാമെന്ന് പറഞ്ഞ് ഇയാൾ സ്ഥലത്തുനിന്ന് കടന്നുകളഞ്ഞു. വീട്ടിലെത്തിയ ഫാത്തിമയോട് മക്കൾ കമ്മൽ എവിടെയെന്ന് ചോദിച്ചപ്പോഴാണ് തട്ടിപ്പിന്റെ വിവരം പുറത്തറിയുന്നത്. തുടർന്ന് പൊലീസിൽ പരാതി നൽകുകയായിരുന്നു. പ്രതിയെ കണ്ടെത്തുന്നതിനുള്ള അന്വേഷണം പുരോഗമിക്കുകയാണ്.

Related news

മയിൽപ്പീലി സ്കോളർഷിപ്പ് വിവാദം; വിദ്യാഭ്യാസ വകുപ്പിൽ കടുത്ത നടപടിക്ക് സാധ്യത കുറവ്, റിപ്പോർട്ട് ഇന്ന് മന്ത്രിക്ക്

തിരുവനന്തപുരം: സംസ്ഥാനത്തെ പൊതുവിദ്യാലയങ്ങളിൽ മയിൽപ്പീലി സ്കോളർഷിപ്പ് പരീക്ഷ നടത്താനുള്ള നീക്കവുമായി ബന്ധപ്പെട്ട...

വ്യാജ എം പരിവാഹൻ ആപ്പും ഓൺലൈൻ ലിങ്കുകളും; സംസ്ഥാനത്ത് സൈബർ തട്ടിപ്പ് വ്യാപകം, ലക്ഷങ്ങൾ നഷ്ടപ്പെട്ട് നിരവധി പേർ

കൊച്ചി: സൈബർ തട്ടിപ്പുകൾക്കെതിരെ ബോധവത്കരണം ശക്തമാകുമ്പോഴും തട്ടിപ്പുകാരുടെ വലയിൽ കുടുങ്ങുന്നവരുടെ എണ്ണം...

ഒന്നരവയസുകാരിയെ തറയിലടിച്ച് കൊലപ്പെടുത്തി പിതാവ്; പ്രതി പൊലീസ് കസ്റ്റഡിയിൽ

ആലപ്പുഴ: മാവേലിക്കരയിൽ ഒന്നരവയസുകാരിയെ പിതാവ് തറയിലടിച്ച് കൊലപ്പെടുത്തി. അസം സ്വദേശികളായ ദമ്പതികളുടെ...

മന്ത്രി എത്തിയപ്പോൾ റസ്റ്റ് ഹൗസിൽ ജീവനക്കാരില്ല; ആലപ്പുഴയിൽ അഞ്ച് പേർക്ക് സസ്പെൻഷൻ

ആലപ്പുഴ: പൊതുമരാമത്ത് മന്ത്രി പി.കെ. ബഷീർ എത്തിയ സമയത്ത് ഡ്യൂട്ടിയിൽ ഇല്ലാതിരുന്ന...

സഭകൾക്കിടയിൽ ഐക്യവും സമാധാനവും വേണം; ഒന്നിച്ചുനിൽക്കാൻ ആഹ്വാനം ചെയ്ത് പാത്രീയർക്കീസ് ബാവ

കോട്ടയം: സഭകൾക്കിടയിൽ ഐക്യവും സമാധാനവും ഉണ്ടാകണമെന്ന് ആഹ്വാനം ചെയ്ത് അന്ത്യോഖ്യാ പാത്രിയർക്കീസ്...