ഡിജെ പാർട്ടികളെ മുൻവിധിയോടെ കാണാനാകില്ല; നൈറ്റ് ലൈഫ് എങ്ങനെ നിരോധിക്കും? ഹൈക്കോടതി

കൊച്ചി: ഡിജെ പാർട്ടികളെ മുൻവിധിയോടെ കാണാൻ കഴിയില്ലെന്ന് ഹൈക്കോടതി. ഡിജെ പാർട്ടികളിലാണ് ലഹരി ഉപയോഗം നടക്കുന്നതെന്ന ധാരണ ശരിയല്ലെന്നും നൃത്തം ചെയ്യുന്നത് മയക്കുമരുന്ന് ഉപയോഗത്തിന് കാരണമാകുമെന്ന് എങ്ങനെ പറയാനാകുമെന്നും കോടതി ചോദിച്ചു.

ബാറുകളിൽ പാട്ട് കേൾക്കാനോ നൃത്തം ചെയ്യാനോ പാടില്ലെന്ന് പറയാൻ കഴിയുമോയെന്നും പള്ളികളിലും അമ്പലങ്ങളിലും ആളുകൾ നൃത്തം ചെയ്യാറില്ലേയെന്നും കോടതി നിരീക്ഷിച്ചു. ആളുകൾ സന്തോഷിക്കാനാണ് ഇത്തരം പാർട്ടികളിൽ പങ്കെടുക്കുന്നത്. മദ്യാസക്തി ബാറുകളിൽ മാത്രം ഒതുങ്ങുന്ന ഒന്നല്ലെന്നും കോടതി ചൂണ്ടിക്കാട്ടി.

രാത്രികാലങ്ങളിൽ സിനിമയ്ക്ക് പോകുന്നതൊഴിച്ചാൽ കേരളത്തിൽ മറ്റ് എന്താണ് ചെയ്യാനുള്ളതെന്നും നൈറ്റ് ലൈഫ് എങ്ങനെ നിരോധിക്കാനാകുമെന്നും കോടതി ചോദിച്ചു. ഡിജെ പാർട്ടികളുമായി ബന്ധപ്പെട്ട് പൊലീസ് എടുത്ത എഫ്ഐആറിൽ വിശദീകരണം നൽകേണ്ടിവരുമെന്നും കോടതി വ്യക്തമാക്കി.

പഞ്ചനക്ഷത്ര ഹോട്ടലുകളിലെ ഡിജെ പാർട്ടികൾക്കും പ്രവർത്തന സമയത്തിനും കൊച്ചി സിറ്റി പൊലീസ് ഏർപ്പെടുത്തിയ നിയന്ത്രണങ്ങൾ റദ്ദാക്കിയ സിംഗിൾ ബെഞ്ച് ഉത്തരവിനെതിരെ സർക്കാർ നൽകിയ അപ്പീൽ പരിഗണിക്കവെയാണ് ഹൈക്കോടതിയുടെ നിരീക്ഷണം.

ജസ്റ്റിസുമാരായ ദേവൻ രാമചന്ദ്രനും ബസന്ത് ബാലാജിയും ഉൾപ്പെട്ട ഡിവിഷൻ ബെഞ്ചാണ് കേസ് പരിഗണിച്ചത്. നക്ഷത്ര ഹോട്ടലുകളിലെ ഡിജെ പാർട്ടികൾക്കും പ്രവർത്തന സമയത്തിനും നിയന്ത്രണമേർപ്പെടുത്തി കൊച്ചി സിറ്റി പൊലീസ് നേരത്തെ നോട്ടീസ് നൽകിയിരുന്നു. ഈ നടപടിയാണ് സിംഗിൾ ബെഞ്ച് റദ്ദാക്കിയത്.

ഡിജെ പാർട്ടികളെയും നൈറ്റ് ലൈഫിനെയും ലഹരി ഉപയോഗവുമായി ബന്ധപ്പെടുത്തി പൊതുവായി വിലയിരുത്താനാകില്ലെന്ന കോടതിയുടെ നിരീക്ഷണം ശ്രദ്ധേയമായി.

Related news

അരിയിൽ ഷുക്കൂർ വധക്കേസ്; പി. ജയരാജനും ടി.വി. രാജേഷും ഉൾപ്പെടെയുള്ള പ്രതികളുടെ വിധി വ്യാഴാഴ്ച

കൊച്ചി: ഏറെ രാഷ്ട്രീയ വിവാദങ്ങൾക്കും ചർച്ചകൾക്കും വഴിവെച്ച അരിയിൽ ഷുക്കൂർ വധക്കേസിൽ...

സ്കൂളിൽ ഗ്ലാസ് റൂഫ് തകർന്നുവീണു; വാർഡ് മെമ്പർക്കും മൂന്ന് വിദ്യാർഥികൾക്കും പരിക്ക്

എറണാകുളം: പറവൂർ പറക്കടവ് പഞ്ചായത്തിലെ മള്ളുശ്ശേരി ഗവൺമെന്റ് എൽ.പി സ്കൂളിൽ ഗ്ലാസ്...

മയിൽപ്പീലി സ്കോളർഷിപ്പ് വിവാദം; വിദ്യാഭ്യാസ വകുപ്പിൽ കടുത്ത നടപടിക്ക് സാധ്യത കുറവ്, റിപ്പോർട്ട് ഇന്ന് മന്ത്രിക്ക്

തിരുവനന്തപുരം: സംസ്ഥാനത്തെ പൊതുവിദ്യാലയങ്ങളിൽ മയിൽപ്പീലി സ്കോളർഷിപ്പ് പരീക്ഷ നടത്താനുള്ള നീക്കവുമായി ബന്ധപ്പെട്ട...

വ്യാജ എം പരിവാഹൻ ആപ്പും ഓൺലൈൻ ലിങ്കുകളും; സംസ്ഥാനത്ത് സൈബർ തട്ടിപ്പ് വ്യാപകം, ലക്ഷങ്ങൾ നഷ്ടപ്പെട്ട് നിരവധി പേർ

കൊച്ചി: സൈബർ തട്ടിപ്പുകൾക്കെതിരെ ബോധവത്കരണം ശക്തമാകുമ്പോഴും തട്ടിപ്പുകാരുടെ വലയിൽ കുടുങ്ങുന്നവരുടെ എണ്ണം...

ധനസഹായം വാഗ്ദാനം ചെയ്ത് തട്ടിപ്പ്; കോഴിക്കോട് വയോധികയുടെ മുക്കാൽ പവന്റെ കമ്മൽ കവർന്നു

കോഴിക്കോട് മുക്കം ബസ് സ്റ്റാൻഡിൽ വയോധികയെ കബളിപ്പിച്ച് മുക്കാൽ പവന്റെ സ്വർണക്കമ്മൽ...