കാബൂള്‍: ബിജെപി നേതാക്കളുടെ പ്രവാചക വിരുദ്ധ പരാമര്‍ശത്തില്‍ ഇന്ത്യയ്‌ക്കെതിരെ താലിബാനും. പ്രവാചകനെ അധിക്ഷേപിച്ചത് മതഭ്രാന്താണെന്നും അത് അനുവദിക്കരുതെന്നും താലിബാന്‍ ആവശ്യപ്പെട്ടു. ഇസ്ലാമിനെ അധിക്ഷേപിക്കുകയും മുസ്ലിങ്ങളുടെ വികാരം വ്രണപ്പെടുത്തുകയും ചെയ്യുന്ന മതഭ്രാന്ത് ഇന്ത്യാ സര്‍ക്കാര്‍ അനുവദിക്കരുതെന്നും താലിബാന്‍ വക്താവ് സബിഹുള്ള മുജാഹിദ് ആവശ്യപ്പെട്ടു. ഈ വിഷയത്തില്‍ നേരത്തെ ഗള്‍ഫ് രാജ്യങ്ങളും ഐക്യരാഷ്ട്രസഭയും ഇന്ത്യയ്‌ക്കെതിരെ രംഗത്തുവന്നിരുന്നു.
