പാലക്കാട് ഒറ്റപ്പാലം ലക്കിടി മംഗലത്ത് ഒറ്റയ്ക്ക് താമസിച്ചിരുന്ന 65കാരിക്ക് നേരെ അതിക്രമം.
പട്ടാമ്പി തിരുവേഗപ്പുറ സ്വദേശിയായ യുവാവ് വയോധികയെ കടന്നുപിടിച്ച് മർദിച്ചതായാണ് പരാതി. മർദനത്തിൽ വയോധികയുടെ പല്ല് കൊഴിഞ്ഞുപോയി.
ഇന്നലെ വൈകിട്ട് ആറരയോടെയാണ് സംഭവം. വീട്ടിൽ വാടകയ്ക്ക് മുറിയുണ്ടോ എന്ന് അന്വേഷിച്ചാണ് യുവാവ് എത്തിയത്. തുടർന്ന് വയോധികയെ ആക്രമിക്കുകയായിരുന്നുവെന്നാണ് വിവരം.
നാട്ടുകാർ ഓടിക്കൂടിയതോടെ യുവാവ് പിക്കപ്പ് വാഹനം ഉപേക്ഷിച്ച് ഓടി രക്ഷപ്പെട്ടു.
സംഭവത്തിൽ ഒറ്റപ്പാലം പൊലീസ് കേസെടുത്തിട്ടുണ്ട്. പ്രതിയെ കണ്ടെത്തുന്നതിനായി പൊലീസ് തെരച്ചിൽ ഊർജിതമാക്കി.
