തിരുവനന്തപുരം: കുട്ടികള്ക്ക് വാഹനം ഓടിക്കാനായി നല്കുന്ന രക്ഷിതാക്കള്ക്കും ബന്ധുക്കള്ക്കും സുഹൃത്തുക്കള്ക്കും മോട്ടോര് വാഹന വകുപ്പിന്റെ മുന്നറിയിപ്പ്. കുട്ടികള്ക്ക് വാഹനം ഓടിക്കാന് നല്കിയാല് കടുത്ത ശിക്ഷയാണ് കാത്തിരിക്കുന്നതെന്ന മുന്നറിയിപ്പ് എംവിഡി ഫേസ്ബുക്ക് കുറിപ്പിലൂടെ ആണ് നല്കിയിരിക്കുന്നത്.
മോട്ടോര് വാഹന നിയമം വകുപ്പ് 180 , 181 പ്രകാരമാകും കേസ്. പിഴ കൂടാതെ 3 വര്ഷം വരെ തടവ് ശിക്ഷ ലഭിക്കാമെന്നും എംവിഡി വ്യക്തമാക്കിയിട്ടുണ്ട്. ഇരുപത്തിയഞ്ച് വയസു വരെ കുട്ടിക്ക് ഇന്ത്യയിലെവിടെ നിന്നും ലൈസന്സോ ലേര്ണേര്സോ എടുക്കുന്നതിന് വിലക്കുണ്ടാകുമെന്നും മോട്ടോര് വാഹന വകുപ്പ് വിവരിച്ചിട്ടുണ്ട്.
കുട്ടികളുടെ വാഹനമോടിക്കല് ശിക്ഷാ നടപടികള് അറിയാത്തവര്ക്കായി എന്ന തലക്കെട്ടോടുകൂടിയാണ് എംവിഡിയുടെ ഫേസ്ബുക്ക് കുറിപ്പ്.
